ഒരു കരിയില കാറ്റിന്റെ സ്വപ്നം 3 [കലിയുഗ കാലി] 90

എടി…. മിനി ഇടക്ക് മാഡം എന്നെ വിളിച്ചു വേറൊരു കാര്യം സൂചിപ്പിച്ചിരുന്നു. അപ്പോൾ എനിക്ക് അത് അത്ര വലിയകാര്യം അയി തോന്നിയില്ല പക്ഷേ ഇപ്പോൾ ! എന്റെ മനസ്സും പറയുന്നു അതു നിന്നോടും കൂടി പറയണമെന്ന് !

എന്താടി……? (മിനി ചോദ്യഭാവത്തിൽ അവളെ നോക്കി )

എടി….. മാഡം എന്നോടുപറഞ്ഞു…… അവിടെ ഉള്ള ദേവതയെപോലുള്ള ഒരു പാവം അമ്പലപ്രാവ് ആരുമറിയാതെ ഒരു സ്നേഹം ഉള്ളിൽ ഒളിപ്പിച്ചുകൊണ്ട് നടക്കുന്നുടോ? എന്ന് അവർക്കൊരു സംശയമുണ്ടെന്ന് ?

(അവൾ കള്ളച്ചിരിയോടെ മിനിയെ നോക്കി. “ഗീതുവിന്റെ ചിരിയിൽ നിന്ന് തന്നെ ഏകദേശം അത് ആരാണെന്ന് അവൾ മനസ്സിലാക്കിയിരുന്നു”. എന്നാലും ഒരു സംശയം പോലെ ഗീതുവിനെനോക്കി തിരക്കി )

നമ്മുടെ ലച്ചുവല്ലതും ആണോ….?

അതേ……….. ( ഗീതു തലയാട്ടികൊണ്ട് പറഞ്ഞു )

ആരോട്…..? എങ്ങനെ……?

ആദിസറിനോട്…..! (അത് കേട്ടതും മിനിയൊന്നു ഞെട്ടി )

കാരണങ്ങൾ ഞാൻ നേരത്തെ പറഞ്ഞപോലെ പലതാകാം. പ്രതേകിച്ചു ആരുടെയും സങ്കടങ്ങൾ കണ്ടറിഞ്ഞു സഹായിക്കുന്ന ആ വലിയ മനസ്സ്. അത് ചിലപ്പോൾ ആ പാവത്തിന്റെയും മനസ്സിൽ കയറിക്കാണും എനിക്ക് അതിൽ നേരെത്തെ തന്നെ ഡൗട്ട് ഉണ്ടായിരുന്നു മിനി…. ഞാൻ അവളെയൊരിക്കലും കുറ്റപ്പെടുത്തില്ല. ‘പിന്നെ മാഡത്തിന്റെ സംസാരത്തിൽ അവർക്ക് ഇതിനോട് താൽപ്പര്യം ഉള്ള മട്ടാണ്. ‘
പക്ഷേ വേറെ വലിയ പ്രശ്നങ്ങൾ അവൾ നേരിടേണ്ടിവരും…….. !

എന്താടി….? (മിനിയുടെ മുഖത്തു അൽപ്പം ടെൻഷൻ കൂടി…. )

ഒന്ന് സാറിന്റെ വിവാഹം ഉറപ്പിച്ചിരിക്കുന്നത് ആദിസറിന്റെയും mc ഗ്രൂപ്പിന്റെയും അവസാനവാക്കായ അച്ചാമ്മതന്നെ എന്നുള്ളത്.

രണ്ട് ആദിസറിന്റെ മുറപ്പെണ്ണ് നമ്മളെ പോലെ സാധാരണക്കാർക്ക് ചിന്തിക്കാൻ കഴിയുന്നതിന് അപ്പുറമാണ് അവരുടെ കഴിവും അസ്ഥിയും. അതുകൊണ്ട് തന്നെ ഈ വാർത്ത എങ്ങനെങ്കിലും ലീക്കായാൽ തന്നെ നമ്മുടെ ലച്ചൂന്റെ ജീവനെത്തന്നെ ചിലപ്പോൾ അത് ബധിച്ചേക്കും.

മൂന്ന് ആദിസർ…….. തന്നെയാണ്. അദ്ദേഹം എല്ലാവരെയും കാണുന്നപോലെ മാത്രമാണ് അവളെയും കാണുന്നത് എങ്കിൽ. അപ്പോഴും കാര്യങ്ങൾ കൂടുതൽ വഷളാക്കും അതുകൊണ്ട് തന്നെ ആദ്യത്തെ പണി അവളുടെ മനസ്സറിയണം ! അതിന് ഞാൻ നോക്കിയിട്ട് ഒരു മാർഗ്ഗമേയുള്ളൂ…. !

എന്തുമാർഗം…..? കർത്താവിനെ.. ഓർത്ത് ടെൻഷൻ അടിപ്പിക്കാതെ ഒന്ന് വേഗം പറഞ്ഞു തുലക്കാടി പെണ്ണേ……..?

(മിനിക്ക് തലയിൽ ഭ്രാന്തുപിടിച്ച മട്ടാണ് )

നീ……. തന്നെ….. !