🔱കരിനാഗം 8🔱

Author : ചാണക്യൻ

[ Previous Part ]

 

(കഥ ഇതുവരെ)

“എന്താ മഹി എന്തേലും ഉണ്ടേൽ തുറന്നു പറഞ്ഞൂടെ?”

യക്ഷമി അവനെ നിർബന്ധിച്ചു.

“ഒന്നുമില്ല യക്ഷമി ഓരോന്ന് തോന്നിയപ്പോ ചോദിച്ചതാ.”

ആ വിഷയത്തിന് മഹിയവിടെ സ്റ്റോപ്പിട്ടു.

യക്ഷമി തല്ക്കാലം കൂടുതലൊന്നും അറിയേണ്ടെന്ന് അവന് തോന്നി.

എല്ലാം പതുക്കെ അവളോട് പറയാമെന്നു അവൻ മനസിൽ കരുതി.

“എന്നാൽ ശരി ഞാൻ പോട്ടെ പിന്നെ വരാം.”

മഹിക്ക് കഴിക്കാനുള്ള ഗുളിക എടുത്തു കൊടുത്ത ശേഷം യക്ഷമി പുറത്തേക്ക് പോയി.

അപ്പോഴാണ് തന്റെ ഇടതുകയ്യിലെ ബ്ലൗസ് അൽപം കേറിയിരിക്കുന്നത് അവൾ ശ്രദ്ധിച്ചത്.

നല്ല തൂവെള്ള നിറമുള്ള കയ്യിലൂടെ അവൾ വിരലുകളോടിച്ചു ആ ബ്ലൗസിന്റെ കൈ വലിച്ചു താഴ്ത്തി.

അതോടൊപ്പം തന്റെ കയ്യിൽ മുദ്രണം ചെയ്തിട്ടുള്ള ആ മുദ്ര അവൾ ചെറു ചിരിയോടെ മറച്ചു വച്ചു.

മഹിയുടെ കയ്യിലുള്ള അതേ മുദ്ര.

പടവാളിനെ ചുറ്റിപിണഞ്ഞ പാമ്പിൻ രൂപം.

(തുടരുന്നു)

നേരം സന്ധ്യയോടടുത്തപ്പോഴാണ് യക്ഷമിയുടെ വീടിനു മുന്നിൽ ഒരു ജീപ്പ് വന്നു നിന്നത്.

ഒരു ഇരമ്പലോടെ വന്നു നിന്ന ജീപ്പിൽ നിന്നും ചന്ദ്രശേഖറും അമിത്തും പുറത്തിറങ്ങി.

അവർ നേരെ പോയി അടഞ്ഞു കിടക്കുന്ന വാതിലിൽ മുട്ടി.

തുറന്നത് യക്ഷമി ആയിരുന്നു.

“ഹാ വരൂ”