കർമ 12

Author : Vyshu

[ Previous Part ]

 
അടുത്ത രണ്ട് പാർട്ടോട് കൂടി കഥ അവസാനിപ്പിക്കണം എന്നുണ്ട്…

കഥാഗതിയിലെ ഒരുപാട് സംശയങ്ങൾക്കുള്ള ഉത്തരം ആണ് ഈ പാർട്ട്….

കഥയെ ക്കുറിച്ച് വിലയേറിയ അഭിപ്രായങ്ങൾ പ്രതീക്ഷിക്കുന്നു…

…………………………..

“ജന്മം കൊണ്ട് രാജാവാണ്….

നിലവിൽ വന വാസി ആയ ശ്രീ രാമനെ ആണ് കാണുന്നത്.
വന വാസം ഏതാണ്ട് പൂർത്തിയായി.

ഇനി കർമ പഥത്തിലേക്കുള്ള യാത്രയാണ്.”

തീർത്തും നിരീശ്വര വാദി ആയിട്ട് കൂടി ആ വൃദ്ധ സന്യാസി തന്റെ കൈ നോക്കി പറഞ്ഞ കാര്യങ്ങൾ എല്ലാം തന്നെ തന്റെ ജീവിതത്തിന്റെ എവിടെയൊക്കെയായോ ബന്ധപ്പെട്ടു കിടക്കുന്നതായി അനിക്ക് തോന്നി….

“”””””ആ സ്ത്രിയുടെ അല്ല അമ്മയുടെ അറസ്റ്റിനു ശേഷം മൂന്ന് ദിവസമായി ഓഫീസിലേക്ക് പോയിട്ടില്ല.

ചടഞ്ഞു കൂടി വീട്ടിൽ തന്നെ ഒരേ ഇരിപ്പായിരുന്നു. ഒന്നിനും ഒരു ഉന്മേശവും തോന്നിയില്ല.

ജീവിതത്തിൽ ഭയാനകമാം വിധം ഏകാന്തത തോന്നി തുടങ്ങിയ നാളുകൾ.
ലേഖയുടെ ഫോൺ കോളുകൾ പോലും പലപ്പോഴും കണ്ടില്ലെന്ന് നടിച്ചു…..

രാവിലെ തന്റെ മുറിയിൽ മൂടിപ്പുതച്ച് ഉറങ്ങുമ്പോൾ ആണ് അപ്രതീക്ഷിതമായി അവൾ… ലേഖ കയറി വരുന്നത്.

കുത്തിപ്പൊക്കി എടുത്ത് ബാത്റൂമിലേക്കും അവിടെ നിന്ന് നല്ല വസ്ത്രങ്ങൾ എല്ലാം എടുത്ത് തന്ന് സുന്ദര കുട്ടപ്പനാക്കി അവളുടെ കാറിലേക്കും നിർബന്ധിച്ച് കയറ്റുമ്പോഴേക്ക് ഇതെല്ലാം സുഭാഷേട്ടനുൾപ്പടെ എല്ലാവരും കൗതുകത്തോടെ നോക്കി നിൽപ്പുണ്ടായിരുന്നു.

കൂടാതെ അവൾ തന്നിലെടുക്കുന്ന സ്വാതന്ത്ര്യം അവരെ അത്ഭുതപ്പെടുത്തിക്കാണും

സത്യത്തിൽ അവരും തന്റെ സ്വഭാവത്തിലെ വ്യതിയാനം ശ്രെദ്ധിച്ചിരുന്നു. എന്തിന് ദിവസങ്ങൾക്ക് മുമ്പ് കയറിവന്ന റിനി പോലും അത് ശ്രെദ്ധിച്ച് കാണും.

ശ്രീദേവി അമ്മയും നീതു ചേച്ചിയും സുബാഷേട്ടനും പലവുരു ചോദിച്ചെങ്കിലും അവരുടെ അടുത്ത് ഞാൻ മൗനം തുടർന്നു.

എന്തിനേറെ സഹികെട്ടിട്ടായിരിക്കും ലേഖ പോലും ഇന്ന് നേരിട്ടത്തിയത്.