?കരിനാഗം 8? [ചാണക്യൻ] 384

ഒപ്പം ചുണ്ടിലൊരു പുഞ്ചിരിയും.

അതേ തന്റെ മകൾ രുദ്രരൂപ ആഗതയായിരിക്കുന്നു.

ഈ മനം മയക്കുന്ന ചന്ദന ഗന്ധം തന്റെ മകളുടെ ഉടലിൽ നിന്നും വമിക്കുന്നതാണ്.

ജന്മനാ അവൾക്ക് ലഭിച്ച വര പ്രസാദം.

വാസുകി സർപ്പത്തിന്റെ പ്രിയ ഭക്ത.

തന്റെ അഭിമാനമാണ് അവൾ.

തന്റെ പ്രിയപ്പെട്ട മകൾ.

കാളിയൻ ആത്മഗതം പറയവേ പൊടുന്നനെ അവിടൊരു സർപ്പിനി പ്രത്യക്ഷപ്പെട്ടു.

ഇടനാഴിയുടെ മധ്യത്തിലായി.

വളരെ വലിപ്പവും നീളവുമുള്ള രൂപം.

വെള്ളാരം കണ്ണുകൾ.

പട്ടു നൂലിഴകൾ തോൽക്കും വിധമുള്ള കാർകൂന്തലഴക്.

അതിങ്ങനെ മുതുകിനെ തൊട്ടു തൊട്ടില്ല എന്ന മട്ടിൽ അരക്കെട്ടും കഴിഞ്ഞു താഴേക്ക് നീണ്ടു ശയിക്കുന്നു.

ഭൂമിക്ക് സമാന്തരമായി.

തുടുത്ത കവിളുകൾ ആരുണാഭമാണ്.

ഒതുങ്ങിയ നാസിക തുമ്പിലെ മുക്കുത്തി വളയം.