?കരിനാഗം 8? [ചാണക്യൻ] 384

അതായത് എല്ലാ നാഗങ്ങളും പരസ്പരം മനസ് കൊണ്ട് സംസാരിച്ചിരുന്നു.

ഒരു നാഗത്തിന് മറ്റൊരു നാഗത്തിന്റെ മനസിൽ സംസാരിക്കാനുള്ള കഴിവ് ഉണ്ടായിരുന്നു.

അങ്ങനെയാണ് ശിലായുഗ കാലഘട്ടം മുതൽക്കേ ഭൂമിയിലേക്ക് പര്യവേക്ഷണം ചെയ്യുന്ന നാഗങ്ങളുമായി അവരുടെ കുടുംബം, സുഹൃത്തുക്കൾ എന്നിവർ ബന്ധം പുലർത്തിയിരുന്നത്.

ഇതുപോലെ സഹ നാഗങ്ങൾക്ക് വേണ്ടി ഭൂമിയിലുള്ള നാഗങ്ങൾ എന്തേലും മുന്നറിയിപ്പുകളോ സൂചനകളോ നൽകാനായി ഇത്തരത്തിൽ നംഗഭാഷ ഉപയോഗിച്ച് വന്നു.

“മോൾക്ക് ഇതാരാ എഴുതിയതെന്ന് അറിയുമോ?”

ആ ഗുഹാലിഖിതത്തിൽ തൊട്ടു കാണിച്ചുകൊണ്ട് മാദ്രിയമ്മ ചോദിച്ചു.

“ഇല്ല മാദ്രിയമ്മേ ആരാ?”

“എന്റെ മുതു മുതു മുത്തശ്ശിയാ…… നാല് തലമുറകൾക്ക് മുന്നേയുള്ളത്”

കള്ള ചിരിയോടെ മാദ്രിയമ്മ പറഞ്ഞു.

“അമ്പടി കള്ളി എന്നിട്ടെന്തായിരുന്നു മഹിയുടെ മുന്നിൽ നാടകം……. എന്തൊരു അഭിനയമായിരുന്നു……. ഞാൻ പോലും ഞെട്ടിപ്പോയി”

യക്ഷമി അവരെ വാനോളം പുകഴ്ത്തി.

“കണ്ടു പഠിച്ചോ പെണ്ണെ നിനക്കും ആവശ്യം വരും”

മാദ്രിയമ്മ വീണ്ടും ചിരി തുടങ്ങി.