?കരിനാഗം 8? [ചാണക്യൻ] 384

മഹി വല്ലാതെ വിക്കി.

ജീവിതത്തിലാദ്യമായി ഒരു പെൺകുട്ടിയെ അനുവാദമില്ലാതെ ഉമ്മ വച്ചതിന്റെ കുറ്റബോധം അവനെ വല്ലാതെ തളർത്തി.

“എനിക്ക് മനസിലായി മഹി………. രാധമ്മ ഉണ്ടാക്കി തന്ന ഭക്ഷണം നന്നായിട്ടുണ്ടെൽ മഹി ഉമ്മയല്ലേ കൊടുക്കാറ്…….. അപ്പൊ പെട്ടെന്ന് എന്നെ രാധമ്മയെ പോലെ കണ്ടു ഉമ്മ വച്ചതല്ലേ?”

അവൾ കള്ള ചിരിയോടെ ചോദിച്ചു.

“ഇതൊക്കെ തനിക്കെങ്ങനെ അറിയാം?”

മഹിയുടെ മുഖത്തു അമ്പരപ്പ് നിറഞ്ഞു.

“രാധമ്മ മഹിയെ കുറിച്ച് എല്ലാം പറഞ്ഞു തന്നിട്ടുണ്ടെന്ന് കൂട്ടിക്കോ.”

ഒരു ചിരിയോടെ മഹിയെ നോക്കി കണ്ണിറുക്കിയ ശേഷം അവൾ ഉള്ളിലേക്ക് വലിഞ്ഞു.

അവൻ പുഞ്ചിരിയോടെ റൂമിലേക്ക് കടന്നു പോയി.
.
.
.
.
-സർപ്പ ലോകം –

നിബിഢമായ ഒരു വന മേഖല.

എങ്ങും വൃക്ഷലതാദികൾ തഴച്ചു വളരുന്നുണ്ട്.

പക്ഷികളുടെ ചിലയ്ക്കൽ അവിടാകെ മുഴങ്ങുന്നുണ്ട്.