? Fallen Star ? 6 [Illusion Witch] 1019

” മീര ” ഒരിത്തിരി ദേഷ്യത്തിൽ പതിയെ കണ്ണന്റെ തലക്കിട്ട് ഒരു കൊട്ട് കൊടുത്തു കൊണ്ട് താര മറുപടി കൊടുത്തു.

” aww,  it hurts ” കണ്ണൻ തല തവടവി കൊണ്ട് പറഞ്ഞു.

‘ so ക്യൂട്ട് ‘ കണ്ണന്റെ എക്സ്പ്രഷൻ കണ്ടപ്പോ താരയുടെ കണ്ണ് ഒന്ന് തിളങ്ങി. അവൾ അവനെ ഹഗ് ചെയ്യാൻ ചെന്നതും അവൻ വേഗം ഒഴിഞ്ഞു മാറി.

” ബി സേഫ് ” അവൻ ഒരിത്തിരി ഗൗരവത്തിൽ പറഞ്ഞു. അവളുടെ ഡ്രെസ്സും ബാക്ക്പാക്കും ഒക്കെ കണ്ടപ്പോഴേ കണ്ണന് അവൾ എവിടെയാ പോവുന്നത് മനസ്സിലായിരുന്നു. അവൾ തലയാട്ടി. അവൾ വീടിന്റ പുറത്ത് ഇറങ്ങിയപ്പോൾ തന്നെ റോഡിൽ ഒതുക്കി ഇട്ടിരുന്ന നീല നിറത്തിലെ വാൻ ടൈപ്പ് വണ്ടി അവൾ കണ്ടു. താരയെ കണ്ടതും മീര അതിൽ നിന്ന് ഇറങ്ങി കൈ വീശി കാണിച്ചു. അവൾ വേഗം അങ്ങോട്ട് ചെന്നു. അവൾ മീരയുടെ ഒപ്പം ആ വണ്ടിയുടെ ബാക്കിൽ കയറി. ബാക്സീറ്റിൽ മീര അടക്കം മൂന് പേര് ഉണ്ടായിരുന്നു. ഫ്രണ്ടിൽ രണ്ടുപേർ, താരയും ഡ്രൈവരും അടക്കം മൊത്തം ആറ് പേർ. എല്ലാർക്കും ഏകദേശം 20, 21 വയസ് പ്രായം വരും.

” താര, ഇത്‌ വരുൺ. വരുൺ ആണ് നമ്മുടെ റൈഡ് ടീം ന്റെ ക്യാപ്റ്റൻ. ” മീര ബാക് സീറ്റിൽ ഉണ്ടായിരുന്ന ഗൗരവക്കാരൻ ആയ ആളെ താരക്ക് പരിചയപ്പെടുത്തി. താര അവന്റെ നേരെ കൈ നീട്ടി. എക്സ്പ്രഷനിൽ വലിയ ചേഞ്ച് ഒന്നും ഇല്ലാതെ അവൻ അവൾക്ക് കൈ കൊടുത്തു.

” ഇത്‌ അലീന ” മീര ബാക്ക്സീറ്റിൽ ഉണ്ടായിരുന്ന പെണ്ണിന്റെ നേരെ കൈ നീട്ടി കൊണ്ട് മീര പറഞ്ഞു. അലീനയും വരുണിനെ പോലെ ഗൗരവത്തിൽ ഒന്ന് തല ആട്ടുകയാണ് ചെയ്തത്.

” പിന്നെ ഇത്‌ അബു ” മീര ഡ്രൈവർസീറ്റിൽ ഇരുന്ന വണ്ണം ഉള്ള മൊട്ട തലയനെ കാണിച്ചു പറഞ്ഞു.