? Fallen Star ? 6 [Illusion Witch] 1019

” ഹാ, എനിക്കും തോന്നി, നീ വരില്ലന്ന്. ആ മസിൽഹെഡ് ആണ് നിന്നോട് ചോദിക്കാൻ പറഞ്ഞത്, നിനക്ക് കഴിഞ്ഞ തവണത്തേ ആ ഗേറ്റ് ന്റെ ഷോക്ക് മാറിയിട്ടില്ലന്ന് അറിയാം…. ” മീര, താര പറഞ്ഞത് ശരിക്കും കേൾക്കാതെ പറഞ്ഞു. പെട്ടന്ന് അവൾ ഒരു നിമിഷം ഒന്ന് നിന്നു, അപ്പോഴാണ് താര എന്താണ് പറഞ്ഞത് എന്ന് ശരിക്കും അവൾക്ക് മനസ്സിലായത്

” വാട്ട്‌??? നീ എന്താ പറഞ്ഞെ?? ”

” I’m In ” താര, മീരയുടെ അമ്പരപ്പും ഭാവവും കണ്ട് ചെറിയ ഒരു ചിരിയോടെ മറുപടി കൊടുത്തു.

” നീ കാര്യം ആയിട്ട് പറഞ്ഞതാണോ?? ” മീര വിശ്വാസം വരാതെ ചോദിച്ചു. താര അതേ എന്ന് പറയുന്നപോലെ തല ആട്ടി.

” താങ്ക്യൂ ” എന്നും പറഞ്ഞവൾ താരയെ കെട്ടിപിടിച്ചു. താര ഒന്ന് വെറുതെ ചിരിച്ചു.

‘ സത്യത്തിൽ നന്ദി പറയേണ്ടത് ഞാൻ ആണ്, ലഗസി ഡെഞ്ചൻ ക്രീയേറ്റ് ചെയ്യാൻ  20 ദിവസത്തേക്ക് പറ്റില്ല  എന്ന് പറഞ്ഞപ്പോൾ എന്ത് ലെവൽ അപ്പ്‌ ആവാൻ എന്ത് ചെയ്യും എന്ന് ഓർത്തു തല പുണ്ണാക്കുകയായിരുന്നു ഞാൻ. അപ്പോഴാ നീ തേടിയ വള്ളി കാലിലിൽ ചുറ്റി എന്ന് പറയും പോലെ ഈ ഓഫറും കൊണ്ട് വന്നത് ‘ താര മനസ്സിൽ ഓർത്തു. അപ്പോഴേക്കും ബെൽ അടിച്ചു. അവർ രണ്ടുപേരും ട്രാക് സൂട്ട് മാറ്റിയിട്ട് ബാഗും എടുത്തു അക്കാഡമിയുടെ പുറത്തേക്ക് നടന്നു.

” താര മറക്കണ്ട, ഇന്ന് രാത്രി ഒരു എട്ട് മണി ഒക്കെ ആവുമ്പോൾ ഞങ്ങൾ വന്ന് നിന്നെ പിക്ക് ചെയ്തോളാം, ഡീറ്റെയിൽസ് ഒക്കെ അന്നേരം പറയാം. ” മീര താരയെ ഒന്ന് കൂടി ഓർമ്മപ്പെടുത്തിയിട്ട് അക്കാഡമി ഹോസ്റ്റൽ ന്റെ ഭാഗത്തേക്ക്‌ നടന്നു. താര വീട്ടിലേക്കും. താര വീട്ടിൽ എത്തിയപ്പോൾ കണ്ണൻ അവിടെ ഉണ്ടായിരുന്നു.