💞ആരവിന്റെ ആർദ്ര 💞 2 [𝘼 𝙅 𝙓] 290

ആണോ?.. ആയിരിക്കാം.. അങ്ങനെ പറയാനാണെനിക് തോന്നിയത്….

 

അതെന്താടാ അങ്ങനെ… വെറുതെ ഒരു പെണ്ണിന്റെ ഡീറ്റെയിൽസ് തപ്പി എടുക്കുന്ന സ്വഭാവം ഒന്നും എന്റെ അനിയനില്ല എന്നൊക്കെ എനിക്കറിയാം…

 

എന്നാ പ്രേമം ആണെന്ന് തന്നെ കൂട്ടിക്കോ… നീ കാര്യം പറയാൻ നോക്കെടി…

 

എന്നാ മോൻ കുറച്ചു കഷ്ടപ്പെടും…

 

എന്താ.. അവൾ മാരീഡ് ആണോ?..

 

അതൊന്നും അല്ലാ…

 

പിന്നെന്ത് കോപ്പാടി… ഒന്ന് പറ….ഇങ്ങനെ ലാഗ് അടിപ്പിക്കാതെ… ദേഷ്യം വന്ന ഞാൻ അവളുടെ കൈ തട്ടി മാറ്റി കൊണ്ട് കുറച്ചു മാറിക്കിടന്നു…തല വേദനിക്കാനും തുടങ്ങിയിരുന്നു..

 

ഹാ പിണങ്ങല്ലേടാ.. ഞാൻ പറയാം…അവൾ പറഞ്ഞു തുടങ്ങി..

 

അവളുടെ അച്ഛൻ മരിച്ചശേഷം വളരെ കഷ്ടപ്പെട്ടാണ് അവർ ജീവിതം തള്ളി നീക്കിയത്.. അമ്മയുടെ അസുഖവും തന്റെ പഠനവും എല്ലാം ഒരുമിച്ച് ആ പാവത്തിന് താങ്ങാൻ കഴിഞ്ഞില്ല….