💞ആരവിന്റെ ആർദ്ര 💞 2 [𝘼 𝙅 𝙓] 290

തലയിൽ നല്ല വേദന ഉണ്ട്.. പിന്നെ ഒരു ഭാരം പോലെ…. വേദന കടിച്ചുപിടിച്ചു കൊണ്ട് ഞാൻ ഡോക്ടറുടെ ചോദ്യത്തിന് മറുപടി പറഞ്ഞു …എല്ലാം ചെക്ക് ചെയ്ത ശേഷം അയാൾ പുറത്തേക്ക് പോയി…

കൈ പോലും അനക്കാൻ കഴിയാതെ ഞാനവിടെ തന്നെ കിടന്നു.. എപ്പോഴോ ഞാൻ മയങ്ങി പോയി…

കൈത്തണ്ടയിൽ തണുപ്പനുഭവപ്പെട്ടപ്പോൾ ഞാൻ വീണ്ടും കണ്ണ് തുറന്നു… തല കുനിച്ചിരുന്ന് വിതുമ്പുന്ന ചേച്ചി…അത് കണ്ട എന്റെയും കണ്ണ് നിറഞ്ഞു…..

“ചേച്ചി ”…

എന്റെ ശബ്ദം കേട്ട് പെട്ടെന്ന് അവൾ തല ഉയർത്തി നോക്കി…

ആരൂട്ടാ… എന്റെ കൈ മുഖത്തോട് ചേർത്ത് വെച്ച് അവൾ വീണ്ടും വിതുമ്പാൻ തുടങ്ങി….

എടി.. മതി കരഞ്ഞത്.. ചത്തൊന്നും പോയില്ലലോ…..

പെട്ടെന്ന് അവൾ കൈ വിട്ടു… “ എന്താടാ.. എന്താ പറഞ്ഞെ നീ… ” കയ്യിൽ വേദനിക്കാത്ത രീതിയിൽ അടിച്ചു കൊണ്ട് അവൾ ചോദിച്ചു…..