?ആരവിന്റെ ആർദ്ര ? 2 [? ? ?] 290

അമ്മേ..ഒരു 10 ദിവസം കഴിഞ്ഞേ പോണുള്ളൂ… അപ്പോളേക്കും സ്റ്റിച്ചൊക്കെ എടുക്കേം ചെയ്യും… പിന്നെന്താ പ്രശ്നം..? വീണ്ടും അമ്മയോട് ഞാൻ ചോദിച്ചു…

ഇല്ല.. അവിടെ പോയിട്ട് എന്താ ചെയ്യാനുള്ളെ.. അടങ്ങി ഇവിടെ നിന്നോണം… അച്ഛനോട് പറഞ്ഞാൽ അറിയാല്ലോ… ഇത്തവണ അമ്മയുടെ വക ഭീഷണി ആണ്…

അമ്മേ കുറച്ചു നാൾ ചേച്ചിക്കൊപ്പം അവിടെ നിക്കട്ടെ അമ്മേ.. ഒന്ന് സമ്മതിക്ക്.. ട്രീറ്റ്മെന്റ് ഒക്കെ അവിടെ തുടരാല്ലോ.. അല്ലേടി.. ചേച്ചിയെ നോക്കി ഞാനത് ചോദിച്ചപ്പോൾ അവൾ അതേയെന്ന അർത്ഥത്തിൽ തലയാട്ടി…

ഇപ്പൊ അങ്ങോട്ടേക്ക് പോയിട്ടെന്താടാ നിനക്ക് ചെയ്യാനുള്ളെ… ഇവിടെ അടങ്ങി കിടന്നോണം…. അതും പറഞ്ഞു എന്റെ മറുപടിക്ക് കാക്കാതെ പാത്രവും എടുത്ത് അമ്മ പുറത്തേക്ക് പോയി…

എല്ലാം പ്ലാനും പൊളിഞ്ഞു….അമ്മയോട് ഒരു പെണ്ണിനെ തേടി ആണ് അങ്ങോട്ടേക്ക് പോണതെന്ന് പറഞ്ഞാൽ എന്റെ വയ്യായിക ഒന്നും നോക്കാതെ ഒന്ന് പൊട്ടിക്കും….

ഞാൻ ചേച്ചിയെ നോക്കി… താടിക്ക് കയ്യും കൊടുത്ത് എന്തോ ആലോചിച്ചിരുപ്പാണ് കക്ഷി…

ഡി…! വിളി കേട്ട് അവൾ എന്റടുത്തേക്ക് ഇരുന്നു…

മ്മ് എന്താടാ…?