💞ആരവിന്റെ ആർദ്ര 💞 2 [𝘼 𝙅 𝙓] 290

 

 

ഇപ്പൊ ഞാനാരോടും അധികം സംസാരിക്കാറില്ല… ആദ്യമൊക്കെ മുറിയിൽ വെറുതെ ഇരിക്കുന്നത് മടുപ്പായിരുന്നെങ്കിൽ ഇപ്പോൾ മുറിവിട്ട് പുറത്ത് പോവാൻ തോന്നാറില്ല… അവളെ അന്വേഷിച്ചു us ലേക്ക് പോവാനും കഴിയുന്നില്ല….

 

അന്നൊരു തിങ്കളാഴ്ച ആയിരുന്നു. ഇന്നാണ് അവസാനത്തെ ചെക്ക് അപ്പ്‌.. കഴിഞ്ഞാഴ്ച സ്റ്റിച്ചെല്ലാം എടുത്തിരുന്നു…

 

ചേച്ചിയും ഞാനും കൂടിയാണ് പോവുന്നത്…

 

എടി നീ വരണുണ്ടോ…? സമയം കുറെ ആയല്ലോ ഒരുങ്ങാൻ തുടങ്ങീട്ട്….പറഞ്ഞു തീരുന്നതിനു മുന്നേ അവളിറങ്ങി വന്നു…

 

അച്ഛന്റെ സ്വിഫ്റ്റിലാണ് യാത്ര… എന്റേതെന്നു പറയാൻ ഇപ്പൊ ഒരു വണ്ടി ഇല്ല….

 

ഹോസ്പിറ്റലിലേക്ക് പോകുന്ന വഴി ചേച്ചി ഓരോന്ന് ചോദിക്കുന്നുണ്ടായിരുന്നു…

 

നിനക്കെന്താ ഒരു സന്തോഷമില്ലാത്തെ..? അവളെ മറന്നില്ലേ?… ഇതൊക്കെ ആയിരുന്നു അവൾക്കു ചോദിക്കാൻ ഉണ്ടായിരുന്നത്…

 

മറുപടിയായി ഒരു ചിരി നൽകാൻ ശ്രമിച്ചെങ്കിലും… അതിലും പരാജയപെട്ടു….