?ആരവിന്റെ ആർദ്ര ? 2 [? ? ?] 290

അന്നേറെ നേരം പരിശ്രമിച്ചിട്ടും എനിക്കുറങ്ങാൻ സാധിച്ചില്ല… ഞാൻ റൂം തുറന്നു പുറത്തേക്കിറങ്ങി… എല്ലാവരും കിടന്നിരുന്നു… ഹാളിലെ ലൈറ്റ് ഓൺ ചെയ്ത ശേഷം ഞാൻ ടീവി കൂടി ഓൺ ചെയ്യാനായി അങ്ങോട്ടേക്ക് പതിയെ നടന്നു…

ചെറിയ രീതിയിൽ തല വേദനിക്കുന്നുണ്ടായിരുന്നു… കാര്യമാക്കിയില്ല… ടീവി ഓൺ ചെയ്ത് സെറ്റിയിൽ വന്നിരുന്നു…ഏതോ ക്രിക്കറ്റ്‌ മാച്ചിന്റെ ഹൈലൈറ്റ്സും കണ്ട് അങ്ങനെ ഇരുന്നു…

കുറച്ചു കഴിഞ്ഞതും ഇടയ്ക്കിടെ കണ്ണടഞ്ഞു പോവാൻ തുടങ്ങി… പിന്നെ എപ്പോഴോ അവിടെ തന്നെ ഉറങ്ങി പോയി… ടീവി പോലും ഓഫ്‌ ചെയ്തിരുന്നില്ല…

“….അമ്മേ… അമ്മേ.. ഒന്നിങ്ങട് വായോ… അമ്മേ…,,”

രാവിലെ ചേച്ചിയുടെ വെപ്രാളപ്പെട്ടുള്ള ശബ്ദം കേട്ടാണ് ഞാനുണരുന്നത്….കണ്ണും തിരുമ്മി ക്ലോക്കിലേക്ക് നോക്കിയപ്പോൾ സമയം ആറു മണി….!!!

അപ്പോഴാണ് ഞാനാ സത്യം മനസിലാക്കുന്നത്… ഹാളിലെ വെറും നിലത്താണ് ഞാൻ കിടക്കുന്നത്..

ഞാൻ വീണെന്നോ മറ്റൊ പേടിച്ചിട്ടാണ് ചേച്ചിക്കുട്ടി കിടന്നു കാറുന്നത്….അപ്പോഴേക്കും അമ്മ ഓടിയെത്തി… പുറകെ അച്ഛനും…