💞ആരവിന്റെ ആർദ്ര 💞 2 [𝘼 𝙅 𝙓] 290

എന്റെ ചേച്ചികുട്ടി… എനിക്കിപ്പോ കൊഴപ്പൊന്നും ഇല്ലല്ലോ.. അതോണ്ട് ഇനി നീ കരയാതിരിക്ക്…

 

നിനക്കോരോന്ന് വരുത്തിവച്ചാൽ മതിയല്ലോ… കരയാൻ ഞങ്ങളുണ്ടല്ലോ..

 

മ്മ്..സോറി..ഇപ്പൊ ഓക്കേ ആയല്ലോ.. അമ്മയും അച്ഛനും ഒക്കെ എവിടെടി..?

 

പുറത്തുണ്ട്.. ഒരാള് കേറിക്കോളാൻ പറഞ്ഞപ്പോ ഞാൻ കേറി പോന്നതാ…

 

തലയ്ക്കനുഭവപ്പെട്ട വേദന കാരണം എനിക്കധികം സംസാരിക്കാൻ കഴിഞ്ഞില്ല..

നേഴ്സ് വന്നു പറഞ്ഞപ്പോൾ ചേച്ചി പുറത്തേക്ക് പോയി…..

 

പിറ്റേന്ന് രാവിലെ എന്നെ ഒരു റൂമിലേക്ക് മാറ്റി… ചേച്ചിയെ പോലെ തന്നെ അമ്മയും കുറെ കരഞ്ഞു…അച്ഛൻ എല്ലാം കണ്ടുകൊണ്ട് ഒരു മൂലയ്ക്ക് നിന്നതെ ഉള്ളു…

 

എന്തായാലും രണ്ടാഴ്ചയൊക്കെ കഴിയുമ്പോഴേക്കും ഞാൻ റെഡി ആവുമാരിക്കും അല്ലേടി….പ്രതീക്ഷ വച്ച് കൊണ്ട് ചേച്ചിയോട് ഞാൻ ചോദിച്ചു…

 

“ഇല്ല ”..

 

ചേച്ചിക്ക് പകരം അമ്മയാണത് പറഞ്ഞത്…

 

ഒരു മാസം കംപ്ലീറ്റ് റെസ്റ്റ് വേണമെന്നാ ഡോക്ടർ പറഞ്ഞത്… നീ പഴേ പോലെ ആവാൻ ടൈം എടുക്കും മോനെ….