?ആരവിന്റെ ആർദ്ര ? 2 [? ? ?] 292

പെട്ടെന്നൊരു പെൺകുട്ടി ഹോസ്പിറ്റൽ എം ഡിയുടെ റൂമിൽ നിന്നിറങ്ങി വരുന്നത് കണ്ട് ഞാൻ ചാടി എഴുന്നേറ്റു… അവൾ രണ്ട് കൈ കൊണ്ടും കണ്ണ് തുടച്ചു കൊണ്ട് വേഗത്തിൽ പുറത്തേക്ക് നടക്കുകയാണ്……

ഞാനവൾക്ക് പുറകെ ഓടി…കാണാതെ പോയ എന്തോ തിരിച്ചു കിട്ടിയ പ്രതീതി ആയിരുന്നു എനിക്ക്….

നല്ല ദൂരത്തായിരുന്നിട്ടും വളരെ വേഗത്തിൽ തന്നെ ഞാനവൾക് തൊട്ട് പുറകിലെത്തി…

ആർദ്രാ…..

വിളി കേട്ട് അവൾ പെട്ടെന്ന് നടത്തം അവസാനിപ്പിച്ചു തിരിഞ്ഞു നോക്കി…..

മാസ്ക് ഒന്നും ഇല്ലാതെ കരഞ്ഞു തളർന്ന മുഖവുമായി അവളെ കണ്ട ഞാൻ സ്തംഭിച്ചു പോയി… ഇവളിങ്ങനെ ആയിരുന്നില്ല…!

എന്താ.. എന്താ ഉണ്ടായേ.. നീ എന്തിനാ കരയുന്നെ?.. വെപ്രാളപ്പെട്ടുകൊണ്ട് ഞാൻ ചോദിച്ചു?…

അവളത് കേട്ട് ഒന്നും മിണ്ടാതെ തിരിഞ്ഞു നടന്നു…കാത്തിരുന്നു കിട്ടിയ കനി കയ്യിൽ നിന്ന് വഴുതി പോവാതിരിക്കാൻ ഞാൻ അവളുടെ മുന്നിലേക്ക് കയറി നിന്നു…..