? അരികത്തായാരോ – 5 ? വിച്ചു [ ചെകുത്താനെ സ്നേഹിച്ച മാലാഖ ] 1158

ആക്ഷൻ , എന്താക്ഷൻ അവന്മാരെ സേവ് ചെയ്യാൻ വേണ്ടി എന്നെ ബലിയാടാക്കുന്നു … ഞാനിനിയും ഇവിടെ നിന്നാൽ അവന്മാരുടെ തനി നിറം പുറം ലോകം അറിയുമെന്ന് അവന്മാരുടെ തന്തമാർക്ക് തോന്നി അതുപോലെ തനിക്കും അതുകൊണ്ട് തനെന്നെ പുറത്താക്കുന്നു ….. ”

” അർജുൻ ….. മൈൻഡ് യുവർ വേഡ്സ് ”

പ്രിൻസിപ്പാൾ അൽപ്പം ദേഷ്യത്തോടെ പറഞ്ഞു …

” ഹ് മ് …. അവന്മാർ കോളേജ് ക്യാമ്പസിനകത്ത് വച്ച് ഡ്രഗ്സ് ഉപയോഗിക്കുന്നുണ്ടെന്നും അതുപോലെ ഇതിനകത്ത് വിൽക്കുന്നുണ്ടെന്നും തനിക്കറിയാമെന്ന് എനിക്ക് നല്ലത് പോലെ അറിയാം …. എന്റെ സുഹൃത്തിനെ കഴിഞ്ഞ വർഷം അവന്മാര് ഇതു പോലെ ക്യാമ്പസിനകത്തിട്ട് തല്ലി ചതച്ചപ്പൊ സാറെന്തേ ഒരാക്ഷനും എടുത്തില്ല ….
തനിക്ക് പേടി , പണവും പവറും ഉള്ള അവന്മാരുടെ തന്തമാരെ … അതുകൊണ്ടല്ലേ അവന്മാര് കാണിക്കുന്ന എല്ലാ കൊള്ളരിതായ്മയ്ക്കും നേരെ താൻ കണ്ണടയ്ക്കുന്നത് ……

ഞാൻ പഠിക്കാനായിട്ടാ ഇങ്ങോട്ട് വന്നത് …. അവന്മാര് എന്റെ വഴിക്ക് കുറുകെയാ വന്നത് അതുകൊണ്ടാ ഞാനെടുത്തിട്ട് പെരുമാറിയത് അതും പലിശയും ചേർത്ത് . താൻ കഷ്ടപ്പെട്ട് എന്റെ റ്റിസിയിൽ റെഡ് ലൈൻ വരയ്ക്കണ്ട , ഞാൻ റ്റിസിയും വാങ്ങി ഇവിടുന്ന് പൊയ്ക്കോളാം ….. പിന്നെ മുകളിൽ നിന്ന തനിക്ക് നിർദേശം തരുന്ന അവന്മാര് വിളിക്കുമ്പൊ പറഞ്ഞേയ്ക്ക് ക്യാമ്പസിന് പുറത്ത് പണം ചിലവാക്കി കൊണ്ട് നിർത്തിയിരിക്കുന്ന അവന്മാരെക്കൊണ്ട് ഈ അർജുനെ ഒരു പുല്ലും ചെയ്യാൻ പറ്റില്ല എന്ന് …. ”