💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

” അറിയില്ല … ”

അത് കേട്ട ദേവിക മറുപടി പറഞ്ഞു ….

അൽപ്പ ദൂരം കൂടി മുന്നോട്ട് പോയതും ദൂരെയായി ഒരു ചെറിയ പള്ളിയും അതിനോടൊപ്പം ചില കെട്ടിടങ്ങളും അവർ കണ്ടു , അവിടെയും സ്ഥാപിച്ചിരിക്കുന്നത് ഇതേ ബോർഡ് തന്നെ ….

                           …………………………

” ഹാവൂ രക്ഷപ്പെട്ടു … അങ്ങനെ സ്ഥലത്തെത്തി … മനുഷ്യന്റെ നട്ടെല്ല് വേദനിച്ച് പൊളിഞ്ഞു … ”

അജു ബുള്ളറ്റ് നിർത്തിയതും യദു അതും പറഞ്ഞ് ചാടിയിറങ്ങിയ ശേഷം ഒന്ന് പുറകോട്ട് വളഞ്ഞ് മുതുക് നിവർത്തി …..

” നിനക്ക് ദൃതിയില്ലല്ലോ , അല്ലെ … ? ”

” എന്ത് ദൃതി … നിന്റെ തിരക്കൊക്കെ കഴിഞ്ഞിട്ട് എന്നെ വൈകിട്ട് വീട്ടിലൊന്നാക്കിയാൽ മതി … വീട്ടിൽ പോയി പോസ്റ്റാകുന്നതിനേക്കാളും എന്ത് ഭേദമാ ഇവിടുത്തെ കുട്ടിപ്പട്ടാളം …. ”

യദു മറുപടി പറഞ്ഞു … അപ്പോഴേക്കും അവരുടെ പുറകിലായി ഒരു വണ്ടിയുടെ ശബ്ദവും ഒപ്പം ഹോണിന്റെ ഒച്ചയും കേട്ട് അവർ പുറകിലേയ്ക്ക് തിരിഞ്ഞ് നോക്കി ….

” ഇതാരാടാ ബെൻസിലൊക്കെ ഇവിടേയ്ക്ക് വരാൻ ..? ”

യദു ആകാംക്ഷയോടെ പറഞ്ഞു …

” ആർക്കറിയാം …. ? ”

അജു മറുപടി പറഞ്ഞ ശേഷം മുന്നോട്ട് നോക്കി നിന്നു ….

” പക്ഷെ വണ്ടി കണ്ടിട്ട് നല്ല പരിചയമുള്ളത് പോലെ , എവിടെയോ വച്ച് കണ്ടിട്ടുണ്ട് . ”

യദു അതും പറഞ്ഞ് മുന്നിലേക്ക് നോക്കി നിന്നു .

അപ്പോഴേയ്ക്കും ആ കാർ അൽപ്പം മുന്നിലായി വന്ന് നിന്നു … പെട്ടെന്ന് തന്നെ ഡോറ് തുറന്ന് ദേവിക പുറത്തേയ്ക്കിറങ്ങി പുറകേ അഹാനയും …