💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

പക്ഷെ അവൻ സ്നേഹിക്കുന്ന അവനെ സ്നേഹിക്കുന്ന ആരുടെയെങ്കിലും മനസ്സോ ശരീരമോ വേദനിച്ചാൽ അവൻ വെറുതെയിരിക്കുകയുമില്ല …. എനിക്ക് വേണ്ടി തന്നെ എത്ര തവണ അവൻ തല്ലുണ്ടാക്കിയിരിക്കുന്നു … എന്തിനേറെ കോളേജിൽ നടന്നത് നിങ്ങളും കണ്ടതല്ലേ ….

പ്ലസ്ടു സമയത്ത് ഓർഫൻ എന്ന ഒറ്റ കാരണത്താൽ ഒരുപാട് കുറ്റപ്പെടുത്തലും കളിയാക്കലും അവൻ കേട്ടിട്ടുണ്ട് അനുഭവിച്ചിട്ടുണ്ട് , ഞാനതൊക്കെ നേരിട്ട് കണ്ടിട്ടുമുണ്ട് . അങ്ങനെ ഒരുപാട് അനുഭവങ്ങൾ മുന്നിലുള്ളത് കൊണ്ടാ നമ്മുടെ കോളേജിൽ വന്നപ്പൊ അവൻ എല്ലാം മറച്ച് വച്ചത് , ഞാനും കൂടി പറഞ്ഞിട്ട് .

എന്റെ അറിവിൽ അവൻ തന്നോടല്ലാതെ മറ്റാരോടും ഇഷ്ടമാണെന്ന് പറഞ്ഞിട്ടില്ല …. അവൻ വെറുതെ തമാശയ്ക്കോ നേരംപോക്കിനോ തന്നെ കളിയാക്കാനോ അപമാനിക്കാനോ ഒന്നുമല്ല അന്ന് ക്ലാസ്സിൽ വച്ച് ഇഷ്ടമാണെന്ന് തുറന്ന് പറഞ്ഞത് , തന്റെ മുഖം അവന്റെ മനസ്സിൽ കയറി കൂടയിത് കൊണ്ട് തന്നെയാ ….. കാരണം സ്നേഹിക്കാൻ ആരുമില്ലാത്ത അവന് സ്നേഹത്തിന്റെ വില നല്ലത് പോലെ അറിയാം ….. ”

യദു അഹാനയുടെ മുഖത്ത് നോക്കി പറഞ്ഞു … അവൾ ഒന്നും മിണ്ടാതെ എല്ലാം കേട്ട് നിന്നു ….

” ദേവു … വാ … പോകാം … ”

യദു പറഞ്ഞതൊക്കെ കേട്ട് നിന്ന ശേഷം അഹാന പതിയെ ദേവുവിനോട് പറഞ്ഞു …..