💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

” അത് ….. ”

യദു എന്ത് പറയണമെന്നറിയാതെ പകച്ച് നിന്നു … അപ്പോഴേയ്ക്കും ബുള്ളറ്റിനടുത്ത് നിന്ന് അജു
യദുവിന്റെ അടുത്തേയ്ക്ക് വന്നു …

” എന്താടാ ? ”

യദുവിന്റെ തോളിൽ കൈ വച്ചു കൊണ്ട് അജു ചേദിച്ചു …. യദു ഒന്നും പറയാതെ അങ്ങനെ പകച്ച് നിൽക്കുകയാണ് .

” ദേവികയ്ക്ക് എന്താ അറിയേണ്ടത് ….? ഞങ്ങൾ ഇവിടേയ്ക്ക് വന്നതിന്റെ കാരണമാണോ ….? നിങ്ങൾ കഷ്ടപ്പെട്ട് ഇവിടം വരെ വന്നതല്ലേ സത്യം പറഞ്ഞേയ്ക്കാം … ഇതാ എന്റെ വീട് …. ”

അജു ഒരു പുഞ്ചിരിയോടെ മറുപടി പറഞ്ഞു . പക്ഷെ ദേവികയും അഹാനയും ഒന്നും മനസ്സിലാകാത്ത പോലെ അവനെ തന്നെ നോക്കി നിന്നു … യദുവാകട്ടെ ഒന്നും മിണ്ടാതെ അങ്ങനെ നിൽക്കുകയാണ് …

” ഒന്നും പിടികിട്ടുന്നില്ല അല്ലേ ….? ഞാനെന്തിനാ ഇവിടെ താമസിക്കുന്നത് , ഇതെങ്ങനെ എന്റെ വീടാവും ഇതൊക്കെയല്ലേ നിങ്ങളുടെ മനസ്സിലെ ഇപ്പോഴത്തെ സംശയം … അതിന് ഒരു ഉത്തരമേ ഉള്ളൂ … ഇതൊരു ഓർഫനേജാ ഞാനൊരു ഓർഫനും ….. ”

അജു ഒരു പുഞ്ചിരിയോടെ തന്നെ പറഞ്ഞു … അഹാനയും ദേവികയും ഒരു ഞെട്ടലോടെ തന്നെ അവനെ നോക്കി നിൽക്കുകയാണ് ….

” അജു ചേട്ടാ …… ”

അപ്പോഴേയ്ക്കും അനുക്കുട്ടി അജുവിന്റെ അടുത്തേയ്ക്ക് ഓടി വന്നു ….