💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

” എടീ ഇതു വരെ വന്നിട്ട് …. അജു പറഞ്ഞതല്ലേ … കുറച്ച് കഴിഞ്ഞ് പോകാം …… ”

ദേവു ഉടനെ അഹാനയോട് പറഞ്ഞു .

” അഹാനേ , ഞാൻ ഒരുപാട് നാളായി തന്നോട് പറയണമെന്ന് മനസ്സിൽ തോന്നിയ കാര്യം പറഞ്ഞു എന്നേ ഉള്ളൂ , അല്ലാതെ മറ്റൊന്നും കൊണ്ടല്ല …. അവൻ വാക്ക് തന്നതല്ലേ തന്നെ ഇനി ശല്യം ചെയ്യില്ല എന്ന് . തന്നെ ശല്യം ചെയ്യുക പോയിട്ട് അവൻ തന്റെ മുഖത്ത് നോക്കി സംസാരിക്കുമെന്ന് പോലും എനിക്ക് തോന്നുന്നില്ല . അവൻ അങ്ങനെയാ അവന് ഇഷ്ടമുള്ളവർ സന്തോഷമായി ഇരിക്കണം അതിന് അവൻ എന്തും ചെയ്യും അവർ പറയുന്നത് എന്തും അനുസരിക്കും …

ഇത് അവന്റെ വീടാ , നിങ്ങൾ അവനെ എങ്ങനെ കാണുന്നു എന്നെനിക്കറിയില്ല , പക്ഷെ അവൻ നല്ല ഫ്രണ്ട്സായി തന്നെയാ നിങ്ങളെ കാണുന്നേ … നിങ്ങളെയും കൂട്ടിക്കൊണ്ട് അകത്തേയ്ക്ക് ചെല്ലാൻ എന്നോട് പറഞ്ഞിട്ടാ അവൻ പോയത് … ഇപ്പൊ നിങ്ങൾ മടങ്ങിപ്പോയാൽ അത് അവന് വിഷമമാകും …. പ്ലീസ് കുറച്ച് നേരത്തേക്ക് , ഒന്ന് വന്ന് എല്ലാവരെയും പരിചയപ്പെട്ടിട്ട് അൽപ്പം കഴിഞ്ഞ് പോയാൽപ്പോരേ …. ”

യദു രണ്ട് പേരോടുമായി ചോദിച്ചു . അത് കേട്ടതും ദേവിക അഹാനയുടെ മുഖത്തേയ്ക്ക് നോക്കി അവളുടെ മറുപടി എന്തെന്നറിയാൻ വേണ്ടി …

” …… മ് ….. ശരി ”

അഹാന മെല്ലെ മറുപടി പറഞ്ഞു .

                           …………………………

” എല്ലാം എടുത്തോ അജൂ …. ? ”

” ആ …. ഫാദർ . ഷോപ്പിൽ നിന്ന് തന്നതൊക്കെ കൊണ്ട് വന്നിട്ടുണ്ട് . ”

അജു ഫാദറിനോട് പറഞ്ഞു …