💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

” നീയൊന്ന് അൽപ്പം കൂടി സ്പീഡിൽ പോ… അല്ലെങ്കിൽ അവരെ മിസ്സാവും …. ! ”

ദേവു പറഞ്ഞതും അഹാന അവളെ സൂക്ഷിച്ച് നോക്കി …..

” ഞാനൊന്നും പറഞ്ഞില്ലേ … ”

ദേവിക മുന്നോട്ട് നോക്കി അതും പറഞ്ഞ് കയ്യും കെട്ടി മിണ്ടാതെ ഇരുന്നു …..

സമയവും ദൂരം കടന്നുപോയി …. അജുവിന്റെ ബുള്ളറ്റിനെ അവർ ഫോളോ ചെയ്തു കൊണ്ടേയിരുന്നു ….

സിറ്റിയിലെ തിരക്കിൽ നിന്നും മാറി ഒരു ഗ്രാമഭംഗി തങ്ങി നിൽക്കുന്ന പ്രകൃതിരമണീയമായ സ്ഥലം , ചുറ്റം എങ്ങും പച്ചപ്പ് മാത്രം ….
മണ്ണുകൊണ്ടുള്ള ഒരു പാത , ചുറ്റും വലുതായി വീടുകളോ കെട്ടിടങ്ങളോ ഒന്നും തന്നെ ഇല്ല . അപൂർവ്വമായി ചിലയിടത്ത് മാത്രം ചില വീടുകൾ കാണാം …. ആ മൺപാതയിലൂടെ അജുവിന്റെ ബുള്ളറ്റ് അത്യാവശ്യം സ്പീഡിൽ തന്നെ മുന്നോട്ട് പോവുകയാണ് … കുറച്ച് പുറകിലായി അഹാനയുടെ കാറും ….

” ഇവരിതെങ്ങോട്ടാ പോകുന്നേ …. ? എന്തായാലും സുപ്പർ സ്ഥലം … ”

ദേവു ആത്മഗതം പോലെ പറഞ്ഞു ….

അൽപ്പ ദൂരം കൂടി മുന്നോട്ട് പോയതും ആ മൺ പാതയുടെ ഒരു വശത്തായി സ്ഥാപിച്ചിരിക്കുന്ന ഒരു ബോർഡ് അഹാനയും ദേവികയും കണ്ടു …

” ‘ സ്നേഹദീപം ഓർഫനേജ് ആന്റ് ട്രെസ്റ്റ് ‘ , ഇവരെന്താ അവിടേയ്ക്ക് …. ?”

അഹാന ആ ബോർഡ് വായിച്ച ശേഷം സ്വയം പറഞ്ഞു ….