💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

” ചേട്ടൻ രാവിലെ തന്നെ മുങ്ങി അല്ലേ , ഇന്ന് ഊഞ്ഞാൽ കെട്ടി തരാമെന്ന് പറഞ്ഞിട്ട് …. അതെ ഇവരൊക്കെ ആരാ….. ? ”

ഓടി അജുവിന്റെ അടുത്തെത്തിയതും ചിണുങ്ങിക്കൊണ്ട് അവൾ ചോദിച്ചു …

” അനുകുട്ടീ ഇത് ചേട്ടന്റെ ഫ്രണ്ട്സാ … നിങ്ങളെ കാണാൻ വന്നതാ …. നമുക്ക് ഉഞ്ഞാല് കെട്ടണ്ടേ വാ പോവാം …. എടാ നീ അതിങ്ങ് താ …. ”

അജു അതും പറഞ്ഞ് യദുവിന്റെ കയ്യിൽ നിന്ന് ആ കിറ്റുകൾ വാങ്ങി ….

” അപ്പൊ … ഞങ്ങളെ ഫോളോ ചെയ്ത് ക്ഷീണിച്ച് വന്നതല്ലേ അകത്തേയ്ക്ക് വാ അൽപ്പം കഴിഞ്ഞിട്ട് നിങ്ങൾക്ക് മടങ്ങാം … നീ അവരെയും വിളിച്ചോണ്ട് വാ , ഞാനിതു കൊണ്ട് ഫാദറിനെ ഏൽപ്പിക്കട്ടെ ….
വാ അനൂ ….. ”

അജു യദുവിനോട് പറഞ്ഞ ശേഷം അനുക്കുട്ടിയേയും കൂട്ടി മുന്നോട്ട് നടന്നു …

” യദു എന്താടാ ഇത് …? അജു പറഞ്ഞത് …. ”

ദേവിക അഹാനയുടെ മുഖത്തേയ്ക്ക് നോക്കിയ ശേഷം ഒന്നും മനസ്സിലാകാത്ത രീതിയിൽ യദുവിനോട് ചോദിച്ചു …

” നിങ്ങൾക്ക് അവൻ പറഞ്ഞത് വിശ്വാസം വരുന്നില്ല അല്ലേ … അവൻ അങ്ങനെയാ … സങ്കടങ്ങൾ ഉള്ളിലൊതുക്കി ഇങ്ങനെ ചിരിച്ച് കളിച്ച് നടക്കും ……

പണ്ട് ഈ ട്രെസ്റ്റ് തുടങ്ങിയ സമയത്ത് ഒരു ദിവസം പുലർച്ചേ ഇവന്റെ കരച്ചില് കേട്ടാ എല്ലാവരും ഉണർന്നത് . അന്നിവന് ഒരു വയസ്സ് മാത്രമേ പ്രായം ഉണ്ടായിരുന്നുള്ളൂ ….