? അരികത്തായാരോ – 5 ? വിച്ചു [ ചെകുത്താനെ സ്നേഹിച്ച മാലാഖ ] 1158

” എടാ ….. ഒന്ന് പതിയെ ….. ”

യദു ഉറക്കെ വിളിച്ചു പറഞ്ഞു . പക്ഷെ തിരിച്ച് വന്ന ഊഞ്ഞാൽ അജു വീണ്ടും വീണ്ടും ശക്തിയായി തന്നെ മുന്നോട്ട് വലിച്ചാട്ടി ….

” അയ്യോ …. ഒന്ന് നിർത്തെടാ …. എനിക്ക് തല ചുറ്റുന്നെടാ ….. ”

യദു ഉറക്കെ കരഞ്ഞ് നിലവിളിച്ചു പറഞ്ഞു . അത് കേട്ടതും എല്ലാവരും പൊട്ടി ചിരിച്ചു …… പതിയെ ഊഞ്ഞാലിന്റെ വേഗത കുറഞ്ഞു അവസാനം അജു ഊഞ്ഞാല് പിടിച്ച് നിർത്തി ഉടനെ യദു ഊഞ്ഞാലിൽ നിന്ന് ചാടിയിറങ്ങി .

” യദു ചേട്ടാ എങ്ങനെയുണ്ട് ഊഞ്ഞാലാട്ടം …? ”

അനുക്കുട്ടി ഉടനെ ചോദിച്ചു …

” പോടീ കുരുപ്പേ ….. ടാ എന്നാലും എന്നോടിത് വേണ്ടായിരുന്നു … ”

യദു അതും പറഞ്ഞ് പതിയെ മുന്നോട്ട് നടന്നു … അഹാനയും ദേവികയുമൊക്കെ അപ്പോഴും നിർത്താതെ ചിരിക്കുകയാണ് ….

” എന്താടീ ….. ”

യദു ദേവികയോട് ചോദിച്ചു . അവൾ ഒന്നുമില്ല എന്ന അർത്ഥത്തിൽ ചുമല് പൊക്കി കാണിച്ചു.

” ഞാനൊന്ന് ഇരിക്കട്ടെ എന്തോ തലകറങ്ങുന്ന പോലെ … ”

യദു അതും പറഞ്ഞ് അടുത്തുള്ള കരിങ്കൽ കെട്ടിൽ കയറി ഇരുന്നു …..

ദേവികയും അഹാനയും കുട്ടികളുടെ അടുത്തേയ്ക്ക് പോയി .

” എന്താ മോളുടെ പേര് ? ”

അനുക്കുട്ടിയുടെ അടുത്തെത്തിയതും ദേവിക അവളോട് ചോദിച്ചു .