? അരികത്തായാരോ – 5 ? വിച്ചു [ ചെകുത്താനെ സ്നേഹിച്ച മാലാഖ ] 1158

” ചേട്ടോ ….. അൽപ്പം കൂടി താഴ്ത്തിക്കെട്ട് ഞങ്ങൾക്ക് കയറണ്ടേ …. ”

” ഓ തമ്പ്രാ .. ”

അതും പറഞ്ഞ് മരത്തിന്റെ മുകളിൽ ഇരിക്കുന്ന അജു കയറൽപ്പം താഴ്ത്തി ….

” കുട്ടു തമ്പ്രാന് ഇത് മതിയാകുമോ …. ? ”

അജു ഒരു പുഞ്ചിരിയോടെ ചോദിച്ചു …

” മതി മതി ഇനി ഇറങ്ങിക്കോ …… ”

അത് കേട്ടതും അജു ആ കയറ് മുറുക്കെ കെട്ടിയ ശേഷം പതിയെ ആ മാവിന്റെ കൊമ്പിൽ നിന്ന് താഴേയ്ക്ക് ഇറങ്ങി ….

” അപ്പൊ ആരാ ഉദ്ഘാടനം ചെയ്യുന്നേ …. ? ”

മരത്തിന്റെ മുകളിൽ നിന്നും താഴേക്ക് ഇറങ്ങിയ ശേഷം അജു ചോദിച്ചു …

” ഞാനുള്ളപ്പോൾ വേറെ ആര് …. ”

യദു അതും പറഞ്ഞ് ഓടിച്ചെന്ന് ഊഞ്ഞാലിൽ കയറി ഇരുന്നു ….

” മ് തുടങ്ങിക്കോ …. ”

യദു പറഞ്ഞു ….

” അജുവേട്ടാ ….. മ് ”

അനുക്കുട്ടി അതും പറഞ്ഞ് ഒരു പുഞ്ചിരിയോടെ പതിയെ കണ്ണടച്ച് കാണിച്ചു ….. അത് കണ്ടതും അജു ഓടിച്ചെന്ന് ഊഞ്ഞാലിന്റെ പുറകിൽ പിടിച്ചു ….

” അപ്പൊ തുടങ്ങാം …. ”

അജു അതും പറഞ്ഞ് യദുവിനെയും കൊണ്ട് ഊഞ്ഞാൽ മാക്സിമം പുറകിലേയ്ക്ക് വലിച്ച ശേഷം സർവ്വ ശക്തിയുമെടുത്ത് ഊഞ്ഞാൽ മുന്നിലേയ്ക്ക് വലിച്ചാട്ടി …. വേഗത്തിൽ ഊഞ്ഞാൽ ഉയർന്നു പൊങ്ങി ….