💘 അരികത്തായാരോ – 5 💘 വിച്ചു [ ചെകുത്താനെ സ്നേഹിച്ച മാലാഖ ] 1158

” ഇവരെന്താ ഇവിടെ ? ”

യദു അൽഭുതത്തോടെ ചോദിച്ച ശേഷം അജുവിന്റെ മുഖത്തേയ്ക്ക് നോക്കി … അജു യദുവിനെ തന്നെ തറപ്പിച്ച് നോക്കി നിൽക്കുകയാണ് ….

” എടാ സത്യമായിട്ടും എനിക്കൊന്നുമറിയില്ല … എനിക്കിതിൽ ഒരു പങ്കുമില്ല …. ”

യദു പറഞ്ഞ ശേഷം വേഗത്തിൽ മുന്നോട്ട് നടന്നു …

” ഹായ് യദു ……. ”

യദുവിനെ കണ്ടതും ദേവിക ഒരു പുഞ്ചിരിയോടെ പറഞ്ഞു ….

” താനെന്താ ഇവിടെ … ? നിങ്ങളെങ്ങനെയാ ഇവിടെ എത്തിയേ …. ? ”

യദു ദേവുവിനോടും അഹാനയോടുമായി ചോദിച്ചു …

” അഹാനയുടെ അമ്മയുടെ നാട് ഇവിടെ അടുത്താ … ഇവൾ വെക്കേഷനായതുകൊണ്ട് തറവാട്ടിലേയ്ക്ക് പോകുന്നു എന്ന് പറഞ്ഞു അതുകൊണ്ട് ഞാനും ഒപ്പം കൂടി … വരുന്ന വഴിക്ക് ബ്ലോക്കിൽപ്പെട്ട് നിന്നപ്പോഴാ നിങ്ങളെ കണ്ടത് …. നിനക്കൊരു സർപ്രൈസ്സ് ആയിക്കോട്ടേ എന്ന് കരുതി ഇവളോട് വാശിപിടിച്ച് പറഞ്ഞ് ഫോളോ ചെയ്ത് ഇങ്ങോട്ട് വന്നതാ …. ”

ദേവു ഒരു പുഞ്ചിരിയോടെ യദുവിനോട് പറഞ്ഞു.

” അല്ല നിങ്ങളെന്താ ഇവിടെ …. ? ഇങ്ങോട്ട് വരുന്നത് കണ്ടപ്പോൾ ഞാൻ കരുതി നിങ്ങളുടെ വീട് ഇവിടെയായിരിക്കുമെന്ന് . ഇത് ഒരു ഓർഫനേജല്ലേ ….. ?

ദേവിക സംശയത്തോടെ ചോദിച്ചു …. യദുവിനാകട്ടെ മറുപടി പറയാൻ വാക്കുകൾ കിട്ടിയില്ല ….