? അരികത്തായാരോ – 5 ? വിച്ചു [ ചെകുത്താനെ സ്നേഹിച്ച മാലാഖ ] 1158

” തലകറക്കം മാറിയോ …. ? ”

ദേവിക ഒരു പുഞ്ചിരിയോടെ യദുവിനോട് ചോദിച്ചു …

” മ് ….. മാറി മാറി ….. ”

യദു അതും പറഞ്ഞ് അവിടെ നിന്ന് എണീറ്റു ….

” അജു എവിടെപ്പോയി …… ? ”

ദേവിക ഉടനെ ചോദിച്ചു …

” അറിയില്ല … നിങ്ങള് വന്നതിന് ശേഷം കക്ഷി ഒഴിഞ്ഞ് മാറി നടക്കുകയാ , കോളേജിൽ വച്ചും അങ്ങനെ തന്നെയല്ലേ …. അഹാനയെ ഫെയ്സ് ചെയ്യണ്ട എന്ന് കരുതിയാകും …. നിങ്ങള് വാ അവൻ എവിടെ കാണുമെന്ന് എനിക്കറിയാം … ”

യദു അതും പറഞ്ഞ് മുന്നോട്ട് നടന്നു , പുറകെ അവരും ……

“നീയിതെങ്ങോട്ടാ ഞങ്ങളെ കൂട്ടിക്കൊണ്ട് പോകുന്നേ ….? ഇനി നടക്കാനൊട്ടും വയ്യ ”

ചറ്റും മരങ്ങളൊക്കെ നിറഞ്ഞ് നിൽക്കുന്ന കയറ്റമുള്ള ഒരു ഇടവഴിയിലൂടെ മുന്നോട്ട് നടക്കുന്നതിനിടയിൽ അഹാന യദുവിനോട് ചോദിച്ചു …

” ഇനി അൽപ്പ ദൂരം കൂടിയെ ഉള്ളൂ …. നിങ്ങള് വാ … ”

യദു അതും പറഞ്ഞ് വേഗത്തിൽ മുന്നോട്ട് നടന്നു … നടന്ന് ഒടുവിൽ അവർ ഒരു കുന്നിന്റെ മുകളിലെത്തി ….

” മ് …. ഇനി അങ്ങോട്ടൊന്ന് നോക്കിക്കേ …. ”

പുറുകേ ആ കുന്ന് നടന്ന് കയറി ക്ഷീണിച്ച് വരുന്ന അവരോട് യദു പറഞ്ഞു … ചുറ്റുമുള്ള ആ കാഴ്ച കണ്ട് അവരുടെ കണ്ണുകൾ വിടർന്നു … എങ്ങും പച്ചപ്പ് മാത്രം …