💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” അങ്കിൾ ഇതുവരെ ഇവിടെ ഉണ്ടായിരുന്നു ഇപ്പോഴാ പുറത്തേയ്ക്ക് പോയത് …. യദുവിനെയും ദേവുവിനെയും ഞാൻ നിർബന്ധിച്ച് കോളേജിലേയ്ക്ക് അയച്ചു , ഒരുപാട് ക്ലാസ്സ് അവരും മുടങ്ങി . അവർ വൈകിട്ട് വരും തന്നെ കാണാൻ . ”

അജു മറുപടി പറഞ്ഞു …..

” ഓപ്പറേഷൻ കഴിഞ്ഞ് ബോധം വന്ന് നോർമലായപ്പോൾ ഡോക്ടർ പറഞ്ഞു , ന്റെ എല്ലാ അസുഖവും മാറി എന്ന് . അജു പറഞ്ഞിട്ടാ അച്ഛൻ ഓപ്പറേഷന് സമ്മതിച്ചതെന്നും പറഞ്ഞു … ”

അവൾ പതിയെ അവനോട് പറഞ്ഞു .

” മ് ….. ശരിയാ താൻ പറഞ്ഞത് …. ഡോക്ടർ കാര്യങ്ങളൊക്കെ പറഞ്ഞ് കഴിഞ്ഞപ്പൊ എന്റെ മനസ്സിൽ തോന്നിയത് അങ്ങനെയാ . ചിലപ്പൊ …… അല്ല തന്റെ കണ്ണൻ തന്നെ അങ്ങനെ മനസ്സിൽ തോന്നിപ്പിച്ചതാവാം … ”

ഒരു പുഞ്ചിരിയോടെ അവൻ പറഞ്ഞു …

” അതെ …. ”

” വേണ്ട വേണ്ട …. തൽക്കാലം മതി . അധികം സംസാരിപ്പിക്കരുത് , സ്ട്രെയിൻ ചെയ്യിക്കരുത് എന്നൊക്കെയാ ഡോക്ടർ പറഞ്ഞത് … തനിക്ക് പറയാനുള്ളത് മുഴുവൻ ഞാൻ കേട്ടോളം ഇപ്പോഴല്ല പിന്നീട് , ജീവിതം മുഴുവൻ ഇങ്ങനെ നീണ്ട് നിവർന്ന് കിടക്കുവല്ലേ …. താനിപ്പൊ റെസ്റ്റ് എടുക്ക് , ഉറങ്ങിക്കൊ . ഞാനിവിടെ അടുത്ത് തന്നെയുണ്ട് …. ”

അവനതും പറഞ്ഞ് പതിയെ അവളുടെ കയ്യിൽ തലോടി …. അവൾ പതിയെ കണ്ണുകളടച്ച് വീണ്ടും മയക്കത്തിലേയ്ക്ക് വഴുതി വീണു .