💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

72 മണിക്കൂർ എന്തായാലും അവൾ ഇവിടെ തന്നെ ഒബ്സർവേഷനിൽ ഉണ്ടാകും അത് കഴിഞ്ഞ് ICU വിലേയ്ക്ക് ഷിഫ്റ്റ് ചെയ്യും അപ്പോൾ നിങ്ങൾക്ക് കാണാം . സർ ഒന്നു കൊണ്ടും പേടിക്കണ്ട ഞാൻ എന്തായാലും ഡ്യൂട്ടി കഴിഞ്ഞ് പോകുന്നില്ല ഇവിടെ തന്നെ ഉണ്ടാകും …. സർ വെറുതെ ഇവിടെ ഇരിക്കണമെന്നില്ല റൂമിലേയ്ക്ക് പോകാം …. ”

ഡോക്ടർ അതും പറഞ്ഞ് തന്റെ ക്യാമ്പിനിലേയ്ക്ക് നടന്നു . മഹേന്ദ്രനാഥ് മനസ്സിൽ നിറഞ്ഞ സന്തോഷത്തോടെ ചെയറിൽ ഇരുന്നു …. ദേവുവും യദുവും അജുവിന്റെ അടുത്തേയ്ക്ക് വന്നു , യദു അവന്റെ കൈ മുറുക്കെ പിടിച്ചു … സന്തോഷം കൊണ്ട് അജുവിന്റെ കണ്ണുകളും നിറഞ്ഞിരുന്നു …… അവൻ ബെനഡിക് ഫാദറിനെ വിളിച്ച് ഓപ്പറേഷൻ സക്സസാണെന്നും അഹാന സുഖമായിരിക്കുന്നുവെന്നും അറിയിച്ചു , അദ്ദേഹത്തിനും അത് സന്തോഷം പകരുന്ന വാർത്തയായിരുന്നു ….

                           …………………………

ചില ദിവസങ്ങൾ കടന്ന് പോയി .

ഇതിനിടയ്ക്ക് അഹാനയെ ഓപ്പറേഷൻ തിയറ്ററിൽ നിന്ന് ICU വിലേയ്ക്ക് ഷിഫ്റ്റ് ചെയ്തു . പക്ഷെ ഇൻഫക്ഷന്റെ പ്രോബംസ് ഉണ്ടാകാനുള്ള സാദ്ധ്യത കാരണം അവർക്ക് അവളെ ദൂരെ നിന്ന് കാണാൻ മാത്രമേ കഴിഞ്ഞുള്ളൂ … ദിവസങ്ങൾ കഴിയവെ അവൾ പതിയെ പതിയെ പഴയ ജീവിതത്തിലേയ്ക്ക് മടങ്ങി വരാൻ തുടങ്ങി ….