💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

അഹാനയ്ക്ക് ഇപ്പോൾ ലഭിച്ചത് ഒരു രണ്ടാം ജന്മം തന്നെയാണ് ….. ഞങ്ങൾ ഒരു പ്രതീക്ഷയും ഇല്ലാതെയാണ് ഓപ്പറേഷൻ ആരംഭിച്ചത് , പക്ഷെ ഇന്ന് അവൾക്ക് തലയിൽ ഏറ്റ ആ ശക്തമായ ക്ഷതം അത് ദോഷത്തേക്കാൾ ഏറെ ഗുണമാണ് ചെയ്തത് , ഓപ്പറേഷൻ സക്സസാവാൻ അത് ഏറെ സഹായിച്ചു . എന്റെ ഇത്രയും വർഷത്തെ എക്സ്പീരിയൻസിൽ ഇത്തരമൊരു മിറാക്കിൾ ആദ്യമായാണ് ……

നമ്മൾ മനസ്സിൽ ചിന്തിക്കുന്നതിനു മുൻപ് ദൈവം എല്ലാം പ്ലാൻ ചെയ്തിട്ടുണ്ട് അതേ നടക്കൂ ….. അഹാനയ്ക്ക് ഏറ്റ ആ പരിക്ക് പോലും അവളെ ഈ അസുഖത്തിൽ നിന്ന് രക്ഷിക്കാൻ ദൈവം നടത്തിയ വലിയ ഒരു പ്ലാനായിട്ടാ എനിക്ക് ഇപ്പോൾ തോന്നുന്നത് . ”

ദീർഘമായ ഒരു നിശ്വാസം വിട്ടു കൊണ്ട് ഡോക്ടർ പുഞ്ചിരിയോടെ പറഞ്ഞു ….. അത് കേട്ടതും സന്തോഷം കൊണ്ട് മഹേന്ദ്രനാഥിന്റെ കണ്ണുകൾ നിറഞ്ഞു തുളുമ്പി , അയാൾ നന്ദിയോടെ ഡോക്ടറുടെ കൈകൾ മുറുക്കി പിടിച്ചു . അജുവിന്റെ അവസ്ഥയും മറിച്ചായിരുന്നില്ല …. ഡോക്ടറുടെ ആ വാക്കുകൾ കേട്ടതും അവൻ മനസ്സിൽ ദൈവത്തിനോട് നന്ദി പറഞ്ഞു . ദേവുവും യദുവും സന്തോഷത്തോടെ മുഖാമുഖം നോക്കി ….

” ഡോക്ടർ എന്റെ മോളെ ഒന്ന് കാണാൻ …. ”

മഹേന്ദ്രനാഥ് ഡോക്ടറോട് ചോദിച്ചു …

” സോറി സർ ….. നിങ്ങളെ അകത്തേയ്ക്ക് വിട്ടാൽ അത് ഇൻഫക്ഷന്റെ പ്രോബംസ് ഉണ്ടാകാൻ സാദ്ധ്യതയുണ്ട് … അഹാന ഇപ്പോൾ മയക്കത്തിലാണ് , അത് മാറാൻ മണിക്കൂറുകൾ എടുക്കും ചിലപ്പോൾ ഒരു ദിവസം വരെ ….