💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ബെഡ്ഡിൽ നിന്ന് അവൻ അവളുടെ കൈ പതിയെ ഉയർത്തി തന്റെ ഇടത് ഉള്ളം കയ്യിൽ അവളുടെ കൈപ്പത്തി വച്ച ശേഷം അവൻ തന്റെ വലത് കൈ കൊണ്ട് അത് മെല്ലെ തടവാൻ തുടങ്ങി . അൽപ്പ സമയം അങ്ങനെ ചെയ്ത ശേഷം അവൻ പതിയെ തന്റെ മുഖം കുനിച്ച് അവളുടെ ആ കൈപ്പത്തിയിൽ ഒരു ചുടു ചുംബനം നൽകി …..

ആ സ്പർശനം പതിയെ അവളെ മയക്കത്തിൽ നിന്ന് തിരികെ കൊണ്ടുവന്നു …. അവൾ പതിയെ പതിയെ ഒരു മടിയോടെ കണ്ണുകൾ തുറന്നു ….. മുന്നിലിരിക്കുന്ന അജുവിനെ കണ്ടതും അവളുടെ മുഖത്ത് ഒരു പുഞ്ചിരി നിറഞ്ഞു ….. അവളുടെ കൈ മെല്ലെ തടവിക്കൊണ്ട് ഒരു പുഞ്ചിരിയോടെ അവനവളെ നോക്കി .

പതിയെ അവളുടെ കണ്ണുകൾ നിറഞ്ഞു തുളുമ്പാൻ തുടങ്ങി , അവനത് കണ്ടു ….

” താനെന്തിനാ വെറുതെ ഈ കരയുന്നേ ? …. മ് ….. ”

അവനതും പറഞ്ഞ് ഒരു പുഞ്ചിരിയോടെ ചെയറിൽ നിന്നെണീറ്റ് വിരലുകൾ കൊണ്ട് അവളുടെ കണ്ണിൽ നിന്ന് നിറഞ്ഞൊഴുകുന്ന കണ്ണുനീർ തുള്ളികൾ പതിയെ തുടച്ച് മാറ്റി ….

” ഒരു …. പാട് .. പേടിച്ചു…. ല്ലേ … ? ”

പതിയെ പതിയെ മുറിഞ്ഞ വാക്കുകളാൽ അവൾ ചോദിച്ചു ….

” മ് ….. പേടിച്ചു ഒരുപാട് ….. ഞാൻ മാത്രമല്ല തന്നെ സ്നേഹിക്കുന്ന എല്ലാവരും …. ”

അവനതും പറഞ്ഞ് അവളുടെ തലയിലെ മുറിവിൽ കെട്ടിയിരിക്കുന്നതിന് പുറത്ത് കൂടി മെല്ലെ തടവി .

” അവരൊക്കെ ? ”