💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

കാറ് വേഗത്തിൽ തന്നെ റോഡിലൂടെ മുന്നോട്ട് പാഞ്ഞു ……. പാർക്കിങ്ങിൽ കാറ് നിർത്തിയ ശേഷം അജു വേഗം ഹോസ്പിറ്റലിനുള്ളിലേയ്ക്ക് ഓടിക്കയറി ….. ഓപ്പറേഷൻ തിയറ്ററിനു മുന്നിൽ തന്നെ മഹേന്ദ്രനാഥും യദുവും ദേവുവും ഉണ്ടായിരുന്നു …. അജു അവരുടെ മുന്നിൽ എത്തിയ ശേഷം മഹേന്ദ്രനാഥ് ഇരിക്കുന്ന ചെയറിനടുത്തുള്ള മറ്റൊരു ചെയറിൽ ഇരുന്നു എന്നിട്ട് അയാളുടെ തോളിൽ പതിയെ കൈ വച്ചു , ഉടനെ മഹേന്ദ്രനാഥ് തിരിഞ്ഞ് അവനെ നോക്കി ….

” അങ്കിളെ ….. അവൾക്കൊന്നും പറ്റില്ല , ഉറപ്പായും തിരിച്ച് വരും . ഇപ്പൊ എന്റെ മനസ്സ് അങ്ങനെയാ പറയുന്നേ …… അതുപോലെ തന്നെ നടക്കും …. ദൈവം അവളെ കൈവിടില്ല ….. ”

അജു അത് പറഞ്ഞതും അയാൾ വിഷമത്തോടെ അവന്റെ കൈ മുറുക്കെ പിടിച്ചു …….

സമയം വീണ്ടും മണിക്കൂറുകൾ കടന്നുപോയി ……

ഒടുവിൽ , ഓപ്പറേഷൻ തിയറ്ററിന്റെ ഡോറ് തുറന്ന് സീനിയർ സർജൻ പുറത്തേയ്ക്ക് വന്നു …… അയാളുടെ മുഖത്ത് ആർക്കും വായിച്ചെടുക്കാൻ കഴിയാത്ത ഒരു തരം ഭാവമായിരുന്നു …..

” എന്താ ഡോക്ടർ …… ? അവൾ ? ”

ഇടറുന്ന ശബ്ദത്തോടെ മഹേന്ദ്രനാഥ് ചോദിച്ചു , പ്രതീക്ഷയോടെ അയാൾ ഡോക്ടറുടെ മുഖത്തേയ്ക്ക് നോക്കി ….

” അവളുടെ ഒപ്പം ദൈവമുണ്ട് സർ ….. ഞാൻ പറഞ്ഞില്ലേ മനുഷ്യന് പരിമിതികൾ ഉണ്ട് ദൈവത്തിനതില്ല എന്ന് ….. ഓപ്പറേഷൻ സക്സസാണ് , അഹാനയ്ക്കിപ്പോൾ ഒരു പ്രശ്നവുമില്ല . നിങ്ങളുടെ പ്രാർത്ഥന ദൈവം കേട്ടു . അവളുടെ ആ അസുഖം പൂർണ്ണമായും എടുത്ത് മാറ്റി , ഞങ്ങളല്ല നിങ്ങളുടെയൊക്കെ കണ്ണുനീർ കണ്ട ഈശ്വരൻ .