💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

…………………

ഉച്ചയ്ക്ക് ആഹാരമൊക്കെ കഴിച്ച് കഴിഞ്ഞ് ക്ലാസ്സിൽ ഇരിക്കുകയായിരുന്ന അജുവിന്റെ അടുത്തായി അവൾ വന്നിരുന്നു ….

” എന്താ അജൂ ….. നീ ഇപ്പോഴും അതൊക്കെ ആലോചിച്ചിരിക്കുവാണോ …. ? ഇങ്ങനെ സങ്കടപ്പെട്ടിരിക്കുന്ന നിന്നെ ഒട്ടും കാണാൻ കൊള്ളില്ല …. ”

ഒരു പുഞ്ചിരിയോടെ അഹാന അവനോട് പറഞ്ഞു …. അത് കേട്ടതും അവനവളുടെ മുഖത്തേയ്ക്ക് തന്നെ നോക്കി ഇരുന്നു ….

” നീ എണീറ്റേ….. വാ ഒരിടം വരെ പോകാനുണ്ട് … ”

അതും പറഞ്ഞ് അഹാന അവന്റെ കയ്യിൽ പിടിച്ച് വലിച്ചെഴുന്നേൽപ്പിച്ചു ..

” എങ്ങോട്ടാ ഈ നേരത്ത് ? ”

” അതൊക്കെ പറയാം , ബുള്ളറ്റിന്റെ കീ ഇങ്ങ് തന്നേ …. ”

അഹാന അതും പറഞ്ഞ് അജുവിന്റെ കയ്യിൽ നിന്ന് ബുള്ളറ്റിന്റെ കീ മേടിച്ച് അപ്പുറത്ത് നിന്ന് ദേവുവിനോട് സംസാരിക്കുകയായിരുന്ന യദുവിന്റെ കയ്യിൽ കൊണ്ട് കൊടുത്തു …. അതിന് ശേഷം അജുവിനെയും വിളിച്ച് പുറത്തിറങ്ങി ….

” അഹാനേ എങ്ങോട്ടാ ? എന്താ കാര്യം ? ”

കാറിന്റെ അടുത്തെത്തിയതും അജു വീണ്ടും ചോദിച്ചു ….

” അതൊക്കെ പറയാം …. നീ ഇങ്ങനെ വിഷമിച്ചിരിക്കുന്ന കണ്ടിട്ട് എനിക്കെന്തോ പോലെ …. നീ കാറിൽ കയറ് …. ”

അഹാന അതും പറഞ്ഞ് ഡ്രൈവിങ് സീറ്റിൽ കയറി , അജു തൊട്ടടുത്ത സീറ്റിലും …. കാറ് കോളേജിന്റെ ഗേറ്റ് കടന്ന് പുറത്തേയ്ക്ക് പോയി …..