💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

” അജൂ ….. അവരിനി ഒരു പ്രശ്നത്തിനായി വരില്ല , നീയായിട്ട് ….. ”

മഹേന്ദ്രനാഥ് പറഞ്ഞ് നിർത്തി ….

” ഇല്ല അങ്കിളെ ഞാനായിട്ട് ഒരു പ്രശ്നത്തിനും പോവില്ല …. ജീവൻ പോയാലും ചെയ്ത വാക്ക് ഞാൻ പാലിക്കും ….. ”

അജു അത്രയും പറഞ്ഞ് വീടിന് പുറത്തേയ്ക്കിറങ്ങി പുറകേ യദുവും …..

                           …………………………

അടുത്ത ദിവസം രാവിലെ ,
അനിരുദ്ധന്റെ വീട് …..

” ആ വിപിനെ …. ”

റൂമിലേയ്ക്ക് കയറി വന്ന വിപിനെ കണ്ടതും ബെഡ്ഡിൽ കിടക്കുകയായിരുന്ന നിവേദ് സന്തോഷത്തോടെ അവനെ വിളിച്ചു . ( നിവദിന്റെ കോളേജ് ഫ്രണ്ടാണ് വിപിൻ . അന്ന് കോളേജിൽ വച്ച് തല്ല് നടന്ന ദിവസം അജുവിനെ തല്ലാനായി നിവേദിന്റെ കയ്യിലേയ്ക്ക് ഇരുമ്പ് വടി വലിച്ചെറിഞ്ഞ് കൊടുത്തതും വിപിനാണ് . )

” എങ്ങനെ ഉണ്ടെടാ , എന്തെങ്കിലും മാറ്റം … ? ”

വിപിൻ അവനോട് ചോദിച്ചു .

” എന്ത് മാറ്റം ഒരേ കിടക്ക തന്നെ , ഇനിയും മാസങ്ങളെടുക്കും ഒന്ന് എണീറ്റ് നിൽക്കാൻ … പിന്നെ കോളേജിൽ എന്തൊക്കെയുണ്ട് ….? ”

” നീ , അവനെ കുറച്ചറിയാനല്ലേ ഇപ്പൊ എന്നോടിത് ചോദിച്ചത് . നിന്നെ തല്ലിയില്ലേ അവള് , അവളും അവനും തമ്മിൽ ഇപ്പൊ മുടിഞ്ഞ പ്രേമത്തിലാ …. കോളേജിലെ പുതിയ പ്രണയ ജോഡി ….. ഹ് …. നിന്നെ ഈ അവസ്ഥയിലാക്കിയിട്ട് ആടിപ്പാടി നടക്കുവാ രണ്ടും കൂടി കോളേജിൽ …. ”

വിപിനത് പറഞ്ഞതും നിവേദ് ദേഷ്യം കൊണ്ട് കൈ മുറുക്കി പിടിച്ചു , അവന്റെ കണ്ണുകളിൽ പക ഇരച്ച് കയറി .