💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

                           …………………………

മഹേന്ദ്രനാഥിന്റെ വീട് …..

അജു ഒന്നും സംസാരിക്കാതെ നിലത്തേയ്ക്ക് നോക്കി മൗനമായി സോഫയിൽ ഇരിക്കുകയാണ് , തൊട്ടടുത്തായി അഹാനയും ….

” അജൂ ….. ഇനിയും അതൊക്കെ ആലോചിച്ച് എന്തിനാ വെറുതെ സങ്കടപ്പെടുന്നേ …. കഴിഞ്ഞതൊക്കെ വിധി എന്ന് കരുതി ആശ്വസിക്കാനല്ലേ നമുക്കാകൂ ….. ഇങ്ങനെ വിഷമിച്ചിരിക്കാതെ , ഈ അവസ്ഥയിൽ നിന്നെ കണ്ടിട്ട് തന്നെ സങ്കടമാകുന്നു ……… ”

അജുവിന്റെ തോളിൽ കൈവച്ചു കൊണ്ട് അഹാന മെല്ലെ അവനോട് പറഞ്ഞു . അവൻ മുഖമുയർത്തി അവളെ ഒന്ന് നോക്കി ….

” ആരെങ്കിലും എന്നെങ്കിലും എന്നെ തേടി വരുമെന്ന് ഞാൻ വിശ്വാസിച്ചിരുന്നു , എന്റെ അമ്മയെങ്കിലും …. സത്യത്തിൽ ഇന്നല്ലേ ഞാൻ അനാഥനായത് , ആരുമില്ലാത്തവനായത് …. ”

നിറകണ്ണുകളോടെ അവൻ മറുപടി പറഞ്ഞു ….

” അതെങ്ങനെ നീ അനാഥനാകും …. ഞങ്ങളൊക്കെ പിന്നെ നിന്റെ ആരാ ….. ഞാനുള്ളയിടത്തോളം എന്റെ ദേവന്റെ മകൻ അനാഥനല്ല ….. ”

ഇതൊക്കെ കേട്ടുകൊണ്ട് അവിടേയ്ക്ക് കയറി വന്ന മഹേന്ദ്രനാഥ് പറഞ്ഞു .

” അജൂ നിനക്കിനി ഇവിടെ താമസിക്കാം …. എങ്ങോട്ടും പോകണ്ട …. ”

മഹേന്ദ്രനാഥ് അത് പറഞ്ഞതും അജു ഒന്ന് പുഞ്ചിരിച്ചു …

” ഒരുപാട് സഹായങ്ങൾ അങ്കിൾ എനിക്ക് വേണ്ടി ചെയ്തു , വേണ്ട . ഇങ്ങനെ തന്നെ മുന്നോട്ട് പോട്ടെ ….. യദൂ …. വാ …. ”

അജു അതും പറഞ്ഞ് പുറത്തേയ്ക്ക് പോകാൻ തുനിഞ്ഞതും ….