💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

വിപിന്റെ ചില സുഹൃത്തുക്കൾ അവർ അവിടെ നിന്ന് കാറിൽ കയറി പോകുന്നത് അൽപ്പം മാറി നോക്കി നിൽക്കുന്നുണ്ടായിരുന്നു , വിപിനാണ് അജുവിനെയും അഹാനയെയും കോളേജിനുള്ളിൽ നിരീക്ഷിക്കാൻ അവരെ ഏർപ്പാടാക്കിയതും …. അവർ രണ്ട് പേരും കാറിൽ കയറി കോളേജിന് പുറത്തേയ്ക്ക് പോകുന്നത് കണ്ടതും അതിലൊരുത്തൻ ഉടനെ വിപിനെ ഫോൺ ചെയ്ത് സംസാരിച്ചു .

                           …………………………

കുറച്ചധികം ദൂരം പിന്നിട്ട ശേഷം തിരക്കിട്ട റോഡിൽ നിന്നും കാറ് ഒരു ചെറിയ ഇടറോഡിലേയ്ക്ക് കയറി , ഒടുവിൽ അൽപ്പ ദൂരം കൂടി മുന്നോട്ട് പോയി കാർ ഒരു കുന്നിൻ ചരുവിലായി ചെന്ന് നിന്നു ….

അഹാന ഡോർ തുറന്ന് പുറത്തേയ്ക്കിറങ്ങി ഒപ്പം അജുവും …

” എന്താ ഇവിടെ ? ”

അജു സംശയത്തോടെ ചോദിച്ചു ….

” പറയാം വാ …. ”

അഹാന അതും പറഞ്ഞ് അജുവിന്റെ കയ്യും പിടിച്ച് ആ കുന്നിന് മുകളിലേയ്ക്കുള്ള പടിക്കെട്ടുകൾ കയറാൻ തുടങ്ങി …..

” ഇത് ഒരുപാടുണ്ടല്ലോ …. നീ എങ്ങോട്ടാ എന്നെ കൊണ്ട് പോകുന്നേ ….? ”

കുറച്ച് പടികൾ കയറി തളർന്നതും അജു അവളോട് ചോദിച്ചു . അഹാന മറുപടിയൊന്നും പറയാതെ ഒരു പുഞ്ചിരിയോടെ അവന്റെ കയ്യും പിടിച്ച് വീണ്ടും മുന്നോട്ടുള്ള പടികൾ കയറാൻ തുടങ്ങി ….