💘അരികത്തായാരോ – 10💘
Arikathayaro…  Part – 10 

Author : വിച്ചു [ചെകുത്താനെ സ്നേഹിച്ച മാലാഖ] 

Previous Part

View post on imgur.com

…………………………

” ആ മണ്ടൻ ജെ പി ഒറ്റയ്ക്ക് പോയി കേറികൊടുത്ത് കാണും അതും അവന്റെ മുന്നിൽ …. ഇപ്പൊ വന്നിട്ട് പോയത് ആ മഹേന്ദ്രനാഥല്ലെ , ബിസിനസ്സ് മാൻ . അപ്പൊ അവന്റെ രക്ഷകൻ ഇയാളാണല്ലേ , അവന്റെ ഗോഡ്ഫാദർ …. അയാൾ വേറെ എന്തൊക്കെയോ പറയുന്നത് കേട്ടു അച്ഛൻ ആരെയൊക്കെയോ കൊന്നിട്ടുണ്ടെന്ന് …. ആ എന്തോ …. എനിക്കിപ്പോ ഒരു കാര്യം മനസ്സിലായി അച്ഛനെ കൊണ്ട് അവനെ നേരിടാൻ കഴിയില്ല എന്ന് , ഇത്രയും ദിവസം ക്ഷമിച്ച് കാത്തിരുന്ന ഞാൻ വിഢി . ”

നിവേദ് അതും പറഞ്ഞ് അങ്ങനെ തന്നെ ബെഡ്ഡിൽ കിടന്നു .

” ഞാൻ എന്തൊക്കെ മറന്നാലും നിന്നെ നോവിച്ചത് ഒരിക്കലും മറക്കില്ല . ആദ്യം നീ ഒന്ന് എണീക്ക് , ബാക്കിയൊക്കെ പിന്നെ …. വീടിന് തണൽ തരുന്ന മരം തന്നെ ആദ്യം വെട്ടണം . അവന്റെ കാര്യത്തിൽ അത് മഹേന്ദ്രനാഥാ …. തമ്മിൽ തെറ്റിക്കഴിഞ്ഞാൽ ചിലപ്പോ അയാൾ തന്നെ അവന്റെ നെഞ്ചിൽ കത്തി താഴ്ത്തും . പെട്ടെന്ന് പലതും അറിഞ്ഞപ്പൊ മനസ്സിൽ തോന്നിയ ഭയത്തിൽ ചെയ്ത് കൂട്ടിയ മണ്ടത്തരം അതാ ജെ പി …. പക്ഷെ ഇനി ശക്തികൊണ്ടല്ല ബുദ്ധികൊണ്ട് നേരിടണം ഇവരുടെ കാര്യത്തിൽ കുബുദ്ധി …. വഴിയുണ്ട് . ”

അനിരുദ്ധൻ പലതും മനസ്സിലുറപ്പിച്ച പോലെ പറഞ്ഞ ശേഷം റൂമിന് പുറത്തേയ്ക്കിറങ്ങി … പക്ഷെ നിവേദിന് തന്റെ അച്ഛന്റെ വാക്കുകളിൽ വിശ്വാസം നഷ്ടപ്പെട്ടിരുന്നു …. അവൻ ആ കിടക്കയിൽ കിടന്നു തന്നെ ചിന്തിക്കാൻ തുടങ്ങി തനിക്ക് എന്തൊക്കെ ചെയ്യാൻ സാധിക്കുമെന്ന് ….
എന്നിട്ട് പതിയെ അവൻ കൈ ഉയർത്തി ബെഡ്ഡിൽ തൊട്ടടുത്ത് കിടന്ന ഫോൺ കയ്യിലെടുത്ത ശേഷം അതിൽ ആരുടെയോ നമ്പർ തിരഞ്ഞു …..