💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

എന്നിട്ട് അവനും കണ്ണുകളടച്ച് നിന്നു , മനസ്സിൽ
തന്റെ സങ്കടം മാറ്റണമെന്നോ തനിക്കീ വിധി തന്നതിന് ദൈവത്തിനോട് പരാതിയോ അവൻ പറഞ്ഞില്ല പകരം മനസ്സിൽ ഒറ്റ പ്രാർത്ഥനയും ആഗ്രഹവും മാത്രം , തന്റെ തൊട്ടടുത്ത് നിൽക്കുന്ന തന്റെ പ്രാണന്റെ ദീർഘായുസ്സിനായി , അവളെ ബാധിച്ചിരിക്കുന്ന മരണ വിധി മാറ്റിയെഴുതാൻ വേണ്ടി ….. അവൻ ഉള്ള് കൊണ്ട് കരഞ്ഞ് പ്രാർത്ഥിക്കുകയായിരുന്ന അവൾക്ക് ഒരു ആപത്തും വരുത്തരുതേ എന്ന് .

കണ്ണനെ നോക്കി പ്രാർത്ഥിച്ച ശേഷം തിരിഞ്ഞ അഹാന കാണുന്നത് തന്നെ ഇമ ചിമ്മാതെ നോക്കി നിൽക്കുന്ന അജുവിനെയാണ് , അവൾ എന്താ എന്ന അർത്ഥത്തിൽ പുരികമുയർത്തിയ ശേഷം തല മുകളിലേയ്ക്ക് ഉയർത്തി ചോദിച്ചു .

” അല്ല ഞാൻ ആലോചിക്കുവായിരുന്നു , കണ്ണന്റെ രാധയെ ഈ അജു കൂടെ കൂട്ടിയാൽ കണ്ണൻ എന്നോട് പിണങ്ങില്ലേ എന്ന് …. ”

അജു ഒരു പുഞ്ചിരിയോടെ ചോദിച്ചതും അവളുടെ മുഖത്ത് നാണം കലർന്ന ചിരി വിടർന്നു …. അവർ കുറച്ചധികം നേരം ആ ആൽമരത്തിന് ചുവട്ടിൽ ഇരുന്നു , അജുവിന്റെ തോളിൽ ചാരി അവന്റെ കയ്യിൽ മുറുക്കെ പിടിച്ച് അങ്ങനെ ഇരിക്കുമ്പോൾ അവളുടെ മനസ്സ് സങ്കടം കൊണ്ട് നീറുകയായിരുന്നു , ഇനി എത്ര നാൾ തനിക്കീ ഭൂമിയിൽ സ്ഥാനം ഉണ്ടാകും എന്ന ഭയത്തോടെ …. തനിക്കിനി അധികനാൾ ഈ സ്നേഹം അനുഭവിക്കാൻ കഴിയില്ലല്ലോ എന്ന ചിന്തയോടെ …..