💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

അജുവിന്റെ തോളിൽ തട്ടി മെല്ലെ പറഞ്ഞ ശേഷം അയാൾ റൂമിൽ നിന്ന് പതിയെ പുറത്തേയ്ക്ക് പോയി . മനസ്സ് ഒരോ നിമിഷവും ചുട്ടുപൊള്ളുന്ന പോലെയാണ് അവന് തോന്നിയത് ……
ഡോക്ടറുടെ റൂമിൽ നിന്ന് പുറത്തിറങ്ങിയ അവൻ I C U വിനു മുന്നില ചുവരിൽ ചാരി നിശബ്ദനായി നിന്നു , നിറഞ്ഞൊഴുകുന്ന കണ്ണുകളുമായി . എന്ത് പറഞ്ഞ് അവനെ ആശ്വസിപ്പിക്കണമെന്ന് ഒരു നിശ്ചയവുമില്ലാത്ത അവസ്ഥയിലായിരുന്നു യദുവും ദേവുവും .

ഉടനെ തന്നെ ഡോക്ടർ മഹേന്ദ്രനാഥിന്റെ കയ്യിലേയ്ക്ക് ചില പേപ്പറുകൾ കൊടുത്തു . വിറയാർന്ന കയ്യാൽ അയാൾ അത് വാങ്ങി അതിലൊക്കെ സൈൻ ചെയ്തു . ഉടനെ ICU വിന്റെ മുന്നിലെ ഡോറുകൾ തുറന്നു . ഒരു സ്ട്രെച്ചറിൽ വേഗം അഹാനയെ നഴ്സുമാർ പുറത്ത് കൊണ്ട് വന്നു …..

അവൾ ഇപ്പോഴും അബോധ അവസ്ഥയിൽ തന്നെയാണ് , തലയിലെ മുറിവൊക്കെ വച്ച് കെട്ടിയിട്ടുണ്ട് , മുഖത്ത് ഓക്സിജൻ മാസ്ക് …. അജു ആ സ്ട്രെച്ചറിന് പിന്നാലെ ഓടി ഒപ്പം മറ്റുള്ളവരും . വളരെ വേഗത്തിൽ ആ സ്ട്രെച്ചർ ഉരുണ്ട് നീങ്ങി കുറച്ചപ്പുറത്തെ ഓപ്പറേഷൻ തിയറ്ററിനുള്ളിലേയ്ക്ക് കയറി . ഒപ്പം അവരുടെ മുന്നിൽ ഓപ്പറേഷൻ തിയറ്ററിന്റെ ഡോറുകൾ ആടഞ്ഞു …. പ്രതീക്ഷ അസ്തമിച്ച പോലെ മഹേന്ദ്രനാഥ് സങ്കടത്തോടെ മുന്നിലെ ചെയറിൽ ഇരുന്നു , നിശബ്ദനായി അജുവും ചുവരിൽ ചാരി അങ്ങനെ നിന്നു …..