💘 അരികത്തായാരോ – 10 💘 വിച്ചു [ ചെകുത്താനെ സ്നേഹിച്ച മാലാഖ ] 1132

കുറച്ച് നേരം അവിടെ ഇരുന്ന ശേഷം അവർ അവിടെ നിന്ന് തിരിച്ചു …. എന്തൊക്കെയോ ചിന്തകളും സങ്കടങ്ങളും അലട്ടിയിരുന്ന അവന്റെ മനസ്സിൽ ഇപ്പോൾ സന്തോഷം മാത്രം , അവളുടെ മുഖത്തെ ചിരിയും ഭാവവുമൊക്കെ കാണുമ്പോൾ തന്റെ കൈ അവൾ കോർത്ത് പിടിക്കുമ്പോൾ അവൻ അറിയാതെ മറന്ന് പോവുകയാണ് തന്റെ ഉള്ളിലെ സങ്കടങ്ങളെയെല്ലാം ….

” ഇനി തിരികെ കോളേജിൽ പോയാൽ അവിടെ എത്തുമ്പോഴേയ്ക്കും ക്ലാസ്സ് തീരും ….. നമുക്ക് കുറിച്ച് നേരം കൂടി എവിടേലും ഇരുന്ന് സംസാരിച്ചിട്ട് പോയാലോ …. ? ”

ഡ്രൈവിങ്ങിനിടയിൽ അഹാന പറഞ്ഞതും അജു മറുപടിയൊന്നും പറയാതെ അവളെ തന്നെ നോക്കി ഇരുന്നു , മൗന സമ്മതം നൽകിയ പോലെ ….

ബീച്ചിനടുത്തായി കാറ് നിർത്തിയ ശേഷം അവർ രണ്ട് പേരും പുറത്തേയ്ക്കിറങ്ങി ….. അവധി ദിവസമല്ലാത്തതിനാൽ ബീച്ചിൽ അങ്ങനെ തിരക്കൊന്നും ഉണ്ടായിരുന്നില്ല …. അവർ തിരമാലകൾക്കരികിലൂടെ കുറച്ച് ദൂരം കൈ കോർത്ത് പിടിച്ച് മുന്നോട്ട് നടന്ന ശേഷം കുറച്ച് മാറി തണൽ മരങ്ങൾക്ക് ചുവട്ടിലായി ചെന്നിരുന്നു ….. മരത്തിൽ ചാരി ഇരിക്കുന്ന അഹാനയുടെ അടുത്തായി ചെന്നിരുന്ന ശേഷം അവനവളുടെ മടിയിൽ തല വച്ച് പതിയെ ആ മണലിൽ അങ്ങനെ കിടന്നു …. അവൾ ഒരു പുഞ്ചിരിയോടെ പതിയെ തന്റെ മടിയിൽ കിടക്കുന്ന അവന്റെ മുടിയിഴകൾ വിരലുകൾ കൊണ്ട് തലോടിക്കൊണ്ടിരുന്നു ….