✮കൽക്കി࿐ (ഭാഗം – 29) അദ്ധ്യായം 2 – അവസാന ഭാഗം , വിച്ചു [ചെകുത്താനെ സ്നേഹിച്ച മാലാഖ ] 841

ഇവിടെ കഴിഞ്ഞ രണ്ട് ദിവസമായി നടത്തിയ ഒൻപതിലധികം മത്സര ഇനങ്ങളിൽ മറ്റ് എഴ് പേരെയും പരാജയപ്പെടുത്തി വിജയിച്ച പോരാളിയെയാണ് ചെമ്പകശ്ശേരിയിലെ ജഗന്നാഥ് നിഷ്പ്രയാസം ഇന്ന് ഇപ്പോൾ പരാജയപ്പെടുത്തിയത് , അത്രയ്ക്ക് ശക്തനാണ് ഇയാൾ എന്നത് നമ്മൾ എല്ലാവരും നമ്മുടെ കണ്ണുകൾ കൊണ്ട് ഇപ്പോൾ നേരിൽ കണ്ടതാണ് . അതു കൊണ്ട് ജഗന്നാഥിൻ്റെ ആവശ്യം അതിന് നമ്മുടെ സമ്മതം അറിയിക്കുന്നു . എനിക്ക് അറിയണം ചേകവർ മനയ്ക്ക് വേണ്ടി മത്സരിക്കാൻ ഉശിരുള്ള ആൺകുട്ടി ഈ നാട്ടിലുണ്ടോ എന്ന് ….. ”

അയാൾ ഉച്ചത്തിൽ വിളിച്ച് പറഞ്ഞതും കാഴ്ചക്കാരുടെ ആർപ്പ് വിളിയും കയ്യടിയും അവിടെ മുഴങ്ങി ….

” ഇനി കാണികൾക്കുള്ള അവസരമാണ് . ആർക്ക് വേണമെങ്കിലും ചേകവർ മനയെ പ്രതിനിധീകരിച്ച് കളത്തിലിറങ്ങാം . ”

മത്സത്തിന് നേതൃത്വം കൊടുക്കുന്നതിൽ ഒരാൾ മൈക്കിലൂടെ വിളിച്ച് പറഞ്ഞതും കാണികൾ നിശബ്ദരായി , ശേഷം ചുറ്റിലും നോക്കി ആരെങ്കിലും അതിന് ധൈര്യപ്പെടുന്നുണ്ടോ എന്നറിയാനായി .

” ആരും കൈ ഉയർത്തുന്നില്ലല്ലോ ഏട്ടാ…. അവൻ ഇവിടെ വരും എന്ന് ഫോണിലൂടെ പറഞ്ഞു എന്നല്ലേ ഏട്ടൻ പറഞ്ഞത് ….? ”

മഹേന്ദ്രൻ ശേഖരനോട് ചോദിച്ചു .

” അവൻ അങ്ങനെയാ പറഞ്ഞത് . ചിലപ്പോ വന്ന് കാണും ജഗനെ കണ്ട് പേടിച്ച് മാറിക്കാണും . നമ്മൾക്കാർക്കും അവനെ എതിർക്കാനുള്ള ശക്തിയില്ല …. ഇനി എന്ത് ചെയ്യും .
ദക്ഷ അവളുടെ കാര്യം ….. ”

” മഹീ എൻ്റെ മോള് ….. ”

രഘുറാം വിങ്ങിപ്പൊട്ടി …. അത് കണ്ടതും ഭാർഗവരാമൻ രഘുറാമിൻ്റെ കൈകളിൽ മുറുക്കെ പിടിച്ചു …