✮കൽക്കി࿐ (ഭാഗം – 29) അദ്ധ്യായം 2 – അവസാന ഭാഗം , വിച്ചു [ചെകുത്താനെ സ്നേഹിച്ച മാലാഖ ] 841

ആ കാഴ്ച കണ്ട് എല്ലാവരും ഒന്നമ്പരന്നു രൺവീർ ഉൾപ്പടെ …. അവർ കാര്യമറിയാതെ ചുറ്റിലും നോക്കി സംശയത്തോടെ ….

” ഇരുട്ടിൽ നിങ്ങൾക്ക് സ്വന്തം നിഴൽ പോലും തിരിച്ചറിയാൻ കഴിയില്ല പക്ഷെ ….. ”

അവളത് പറഞ്ഞതും വായുവിലൂടെ പറന്ന് വന്ന ഒരു ഏറ് നക്ഷത്രം സൻജയുടെ കഴുത്ത് കീറി മുറിച്ചു കൊണ്ട് പറന്ന് നീങ്ങി …. ആ പറന്ന് നീങ്ങിയ ഏറ് നക്ഷത്രം തിരികെ കറങ്ങി വന്ന സ്ഥലത്തേയ്ക്ക് പോകുന്നത് കണ്ട എല്ലാവരുടെയും നോട്ടം അങ്ങോട്ടേയ്ക്കായി ആ ഇരുട്ടിലേയ്ക്ക് , പതിയെ ആ ഇരുട്ടിൽ നിന്ന് ഒരു രൂപം പുറത്തേയ്ക്ക് വന്നു കണ്ണുകൾ മാത്രം പുറത്ത് കാണുന്ന രീതിയിൽ വസ്ത്രം ധരിച്ച കയ്യിൽ കറ്റാന പിടിച്ച ഒരാൾ , ബ്ലാക്ക് നിൻജ ….

” അപ്പൊ ആരംഭിക്കാം അല്ലേ …… ”

                    ……………………..

” പാറു ഇത് …… പുതുതായി ചാർജെടുത്ത IPS ഓഫീസർ പേര് ദക്ഷ , മലയാളിയാണെന്നൊക്കെ എഴുതിയിരിക്കുന്നു അപ്പൊ ആ ഗ്യാങ്ങിനെ തീർത്ത നിൻജ ”

പത്രവാർത്ത വായിച്ച ലക്ഷ്മി സംശയത്തോടെ ചോദിച്ചു …..

” വാക്ക് കൊടുത്തതല്ലേ അവനവൾക്ക് എല്ലാ ആപത്തിൽ നിന്നും രക്ഷിക്കാമെന്ന് സോ ഹി ഈസ് ബാക്ക് …. ദാറ്റ്സ് നോട്ട് എ എൻഡ് , ഇറ്റ്സ് ജസ്റ്റ് എ ബിഗിനിംഗ് ….. ”

ഒരു പുഞ്ചിരിയോടെയായിരുന്നു പാർവ്വതിയുടെ ആ മറുപടി …..

                                  THE END 

പ്രീയപ്പെട്ട വായനക്കാരെ ,

കഴിഞ്ഞ വർഷം ജനുവരി മുതൽ എഴുതിത്തുടങ്ങിയതാണ് കൽക്കി എന്ന ഈ കഥ ഇപ്പൊ ഒന്നര വർഷം പിന്നിടുന്നു . രണ്ട് സീസണിലായി 20 episode എന്നായിരുന്നു മനസ്സിൽ പക്ഷെ ഇപ്പൊ 29 episode ൽ വന്ന് നിൽക്കുന്നു . എന്തായാലും ഈ കഥ ഞാനിവിടെ അവസാനിപ്പിക്കുകയാണ് . എത്രത്തോളം പൂർണതയിൽ എത്തി എന്നറിയില്ല പക്ഷെ മനസ്സിൽ ഉള്ള കഥ മുഴുവൻ , കഴിവിന്റെ പരമാവധി ഭംഗിയിൽ എഴുതിയിട്ടുണ്ട് . കുറവുകളും കുറ്റങ്ങളും ഉണ്ടാകും ക്ഷമിക്കുക …

ഇനി തുടർന്ന് എഴുതാനുള്ള മാനസിക അവസ്ഥയിലല്ല ഞാനിപ്പൊ , എഴുത്ത് അവസാനിപ്പിക്കണം എന്ന ചിന്തയാണ് മനസ്സിൽ , മനസ്സിൽ ഒരു കഥ കൂടി മായാതെ ബാക്കി നിൽക്കുന്നുണ്ട് , അതെഴുതണം എന്ന് തോന്നിയാൽ എഴുതും . എന്തായാലും കുറച്ച് നാളത്തേയ്ക്ക് ഞാനിനി എഴുതുന്നില്ല . ബാക്കി അപ്പോഴത്തെ അവസ്ഥ പോലെ …

ഒരായിരം നന്ദി , ഇത്രയും കാലം കൂടെ നിന്ന് സപ്പോർട്ട് ചെയ്ത എല്ലാവർക്കും ?