◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

                 

                  ✮കൽക്കി࿐

                       ഒരു രണ്ടാം വരവ്    

               

                            ഭാഗം – 29

       (അദ്ധ്യായം 2 – അവസാന ഭാഗം)

 

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

 

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

 

 

                    ……………………..

 

 

പെട്ടെന്ന് തന്നെ മത്സരത്തിന് നേതൃത്വം നൽകുന്നതിൽ ചിലർ കളിക്കളത്തിലേക്കിറങ്ങി . അവർക്ക് ഒരു വശത്തായി ജഗന്നാഥും മറുവശത്തായി മത്സരങ്ങളിൽ വിജയിയായി നിൽക്കുന്ന ആ യുവാവും നിലയുറപ്പിച്ചു …..

 

” ഇവർ തമ്മിൽ കഴിഞ്ഞ എല്ലാ മത്സരങ്ങളും ആവർത്തിക്കുക എന്നത് പ്രയാസമേറിയ കാര്യമാണ് അതിനാൽ ഒരു മത്സരം മാത്രമായിരിക്കും നടത്തുക , അതിനായി ഒരു നറുക്കെടുപ്പ് നടത്തേണ്ടതായി വരും ….. ”

അയാളതും പറഞ്ഞ് ചില കടലാസ് കഷ്ണങ്ങൾ ചുരുട്ടിയ ഒരു ഗ്ലാസ് ബൗൾ വിജയിയായി നിൽക്കുന്ന ആ പോരാളിക്ക് നേരെ നീട്ടി . അവനതിൽ നിന്ന് ഒരു കടലാസ് ചുരുൾ എടുത്ത് അവർക്ക് തന്നെ കൊടുത്തു . ഉടനെ അതിലൊരാൾ അത് നിവർത്തി വായിച്ചു ….

 

” ഗലാട്ട ഗുസ്തി …… ”

അയാൾ മൈക്കിലൂടെ വിളിച്ചു പറഞ്ഞതും കാണികളുടെ ആരവം ഉച്ചത്തിലായി …..

 

” ഗലാട്ട ഗുസ്തി …. പ്രത്യേക തരം അടവോ മുറയോ ചട്ടങ്ങളോ ഒന്നും തന്നെ ഈ മത്സര ഇനത്തിനില്ല . ഏത് വിധേനയും എതിരാളിയെ കീഴ്പ്പെടുത്തുക അത് മാത്രമാണ് ലക്ഷ്യം . ഇവിടെ ഏത് അടവും മുറയും തന്ത്രവും യഥേഷ്ടം യുക്തി പോലെ ഉപയോഗിക്കാം . എതിരാളിയുടെ ജീവന് ഹാനി വരുത്തരുത് ഒരു തരത്തിലുള്ള ആയുധങ്ങളും ഉപയോഗിക്കരുത് എന്നിങ്ങനെ രണ്ട് നിബന്ധന മാത്രമാണ് പ്രസക്സതമായിട്ടുള്ളത് . ആരെങ്കിലും ഒരാൾ തോൽവി സമ്മതിച്ചാൽ മത്സരം അവസാനിക്കും …. ”

അയാൾ മത്സരത്തെ കുറിച്ചുള്ള വ്യവസ്ഥകൾ വ്യക്തമാക്കി . ശേഷം അവർ മത്സരക്കളത്തിന് പുറത്തേയ്ക്ക് പോയി.