✮കൽക്കി࿐ (ഭാഗം – 29) അദ്ധ്യായം 2 – അവസാന ഭാഗം , വിച്ചു [ചെകുത്താനെ സ്നേഹിച്ച മാലാഖ ] 841

ആരാലും തകർക്കാൻ കഴിയാത്ത വിജയി . അതു കൊണ്ട് മത്സരം തീർന്നിട്ടില്ല , ചേകവർ മനകൂടി ഇനി കളത്തിലിറങ്ങണം എൻ്റെ നേർക്ക് … ”

ജഗന്നാഥ് ഉച്ചത്തിൽ വാശിയോടെ ദേഷ്യത്തോടെ വിളിച്ചു പറഞ്ഞു , അത് കേട്ട് എല്ലാവരും അവനെ സംശയത്തോടെ നോക്കി കാണികൾ ഉൾപ്പടെ …

” ജഗന്നാഥെ അതിന് ചേകവർ മന ഇന്ന് അനാഥമല്ലേ ….. അഥവാ മത്സരത്തിന് എല്ലാവരും സമ്മതിച്ചാലും ആര് മത്സരിക്കാനാ …”

അതിലൊരാൾ അവനോട് ചോദിച്ചു. അത് കേട്ടതും അയാളുടെ കയ്യിൽ നിന്ന് അവൻ മൈക്ക് പിടിച്ച് വാങ്ങി ….

” ഈ ചുറ്റും കൂടിയിരിക്കുന്ന നാട്ടുകാർ പറയുന്നത് ഞാൻ പലപ്പോഴും കേട്ടിട്ടുണ്ട് യഥാർത്ഥ മത്സരാർത്ഥി ഇല്ലാതെയാണ് കഴിഞ്ഞ തവണ മത്സര വിജയിയെ തിരഞ്ഞെടുത്തതെന്ന് അങ്ങനെയെങ്കിൽ ചേകവർ മനയിലെ ആൺതരിതന്നെ വേണമെന്നില്ല ഈ കൂടി നിൽക്കുന്നവരിൽ ആർക്ക് വേണമെങ്കിലും എന്നോട് മത്സരിക്കാം ചേകവർ മനയ്ക്ക് വേണ്ടി , അതിനുള്ള അവസരം നിങ്ങളുണ്ടാക്കണം എന്ന് മാത്രം …. ”

ജഗന്നാഥ് ഉച്ചത്തിൽ മൈക്കിലൂടെ വിളിച്ച് പറഞ്ഞതും കാണികളുടെ ആരവം ശക്തമായി ….

ഉടനെ തന്നെ കൊട്ടാരത്തിലെ ഇപ്പോഴത്തെ തമ്പുരാനായ രവി വർമ്മൻ തൻ്റെ ഇരിപ്പിടത്തിൽ നിന്ന് എഴുന്നേറ്റു , അത് കണ്ടതും ഉടനെ തന്നെ ചുറ്റിലും നിശബ്ദത പരന്നു .

” ഈ നാട്ടിൽ അരങ്ങേറിയ സംഭവ കാര്യങ്ങളാണ് ആ മനയിൽ ഇങ്ങനെ ഒരു വിലക്ക് സൃഷ്ടിച്ചത് . പക്ഷെ ജഗന്നാഥ് ഉന്നയിച്ചത് തികച്ചും ന്യായമാണ് . അതുപോലെ ആ തറവാട് ഇന്ന് അനാഥമാണ് തികച്ചും നശിച്ച അവസ്ഥ , അവസാനത്ത കണ്ണി പോലും ഇല്ലാത്ത ഒരു സ്ഥിതി ..