പതിനൊന്നാം ? തീയാട്ട് [Sajith] 1367

ബാരി പിടഞ്ഞെഴുന്നേറ്റു. ചവിട്ടിൽ കത്തിയെങ്ങോ തെറിച്ച് വീണു പോയി. അവൻ മുന്നിലേക്ക് കുതിച്ച് അജ്ഞാതൻ്റെ വയറിന് വട്ടം പിടിച്ച് പിന്നിലേക്ക് കൊണ്ടു പോയി വീടിൻ്റെ ചുവരിൽ ഇടിപ്പിച്ചു. അയാൾക്ക് പുറം വേദനിച്ചു. അപ്പഴും ശബ്ദം വെളിയിൽ വന്നില്ല. അയാൾ ബാരിയുടെ നട്ടെല്ല് നോക്കി രണ്ട് മുട്ടു കൈ വെച്ചും ആഞ്ഞ് കുത്തി. പെടലിക്ക് രണ്ട് വശത്തും പിടിച്ച് കാൽമുട്ട് കൊണ്ട് നെഞ്ചിനിട്ടും മൂക്കിനിട്ടും രണ്ട് കുത്ത് കുത്തി. ബാരി ശ്വാസം കിട്ടാതെ വയറിൽ നിന്നുള്ള പിടി വിട്ടു. നിവർന്ന് നിന്ന് ശ്വാസം ആഞ്ഞു വലിച്ചു.ആ സമയം കൊണ്ട് അജ്ഞാതൻ ബാരിയുടെ കഴുത്തിന് പിടിച്ച് ഉന്ന് ഉയർത്തി. കാലുകൾ ഭൂമിയിൽ നിന്ന് വിട്ടതും കഴുത്തിന് പിടിച്ച് നിലത്തേക്ക് അടിച്ചു.

അജ്ഞാതൻ ചുവരിൽ പിടിച്ച് എഴുന്നേറ്റു. കൈയ്യിൽ നിന്ന് വീണ് പോയ ചുറ്റിക കൈയ്യിലെടുത്തു. മൂക്കും പൊത്തി പിടിച്ച് വീണു കിടക്കുന്ന ബാരിയുടെ മുന്നിൽ വന്ന് നിന്നു. 

അപ്പു പതുക്കെ ജനലിൻ്റെ ഇഴകൾക്കുള്ളിലൂടെ പുറത്തേക്ക് നോക്കി. മുഖമെല്ലാം മൂടിയ ഒരാൾ ചുറ്റികയും പിടിച്ച് നിൽക്കുന്നു. ഉമ്മറത്ത് ഇട്ടിരിക്കുന്ന വെളിച്ചം മാത്രമേ മുറ്റത്തൊള്ളു. മുഖം ശരിക്ക് വ്യക്തമാവുന്നില്ല. അയാൾ ചുറ്റിക ആകാശത്തേക്കുയർത്തി അടുത്ത നിമിഷം ബാരിയുടെ കാൽമുട് ലക്ഷ്യമാക്കി അയാൾ വീശി.

ബാരിയുടെ മുട്ടുകാലിലെ എല്ലുകൾ മുള പിരിയണ പോലെ പിരിഞ്ഞു. അവൻ വേദന കൊണ്ട് ആർത്ത് ആർത്ത് കരഞ്ഞു. അത് കേൾക്കാൻ ആകാതെ അപ്പു ചെവി പൊത്തി നിലത്തേക്കിരുന്നു. ശേഷം രംഗം കാണാൻ നിക്കാതെ ഓടി പോയി മുറിയിൽ കയറി വാതിലടച്ചു. 

വാതിലിൽ ചാരി നിന്ന് അപ്പു കിതച്ച് കൊണ്ടിരുന്നു. പുറത്തെ അലർച്ച കൂടി കൂടി വന്നു. അപ്പു ചെവി പൊത്തി നിലത്ത് മുട്ടു മടക്കി ഇരുന്നു.

അടികിട്ടിയ കാലും പിടിച് ബാരി അലറി വിളിച്ചു. അജ്ഞാതൻ അടുത്ത് ബോധം കെട്ടുകിടക്കുന്നവനടുത്തേക്ക് നടന്നു. അവനെ അയാൾ അടിച്ചില്ല. പകരം പുറത്ത് കൂടി ചുറ്റികയുടെ പിടി നീട്ടി വച്ച് അവൻ്റെ വലതു കൈ പിടിച്ച് അതിന് കുറുകെ വെച്ച് തൻ്റെ മുട്ടുകാല് കൊണ്ട് അയാൾ പതുക്കെ പതുക്കെ അമർത്താൻ തുടങ്ങി. സഹിക്കാനാവാത്ത വേദനയോടെ അവൻ സ്വബോധത്തിലേക്ക് വന്നു. കൈയ്യിൻ്റെ അപ്പറെല്ലും ലോവർ എല്ലുകളും നിമിഷ നേരം കൊണ്ട് അയാൾ പിരിച്ച് പൊട്ടിച്ചു. ഇടത് കൈ വച്ച് അവന് ഒന്നും ചെയ്യാൻ പറ്റില്ലെന്നായി. അതുപോലെ തന്നെ അവൻ്റെ ഒരു കാലും പിടിച്ച് തിരിച്ചു. എല് പൊട്ടിയതിനാൽ കുറച്ച് മാസങ്ങളോളം അവന് റെസ്റ്റ് വേണ്ടിവരും. 

തിരികെ ബാരിയുടെ അടുത്തെത്തി. അവൻ വേദനയിൽ കരയുക തന്നെയാണ്. തൻ്റെ കൈയ്യിലെ ചുറ്റിക വീണ്ടും ഉയർത്തി അടിക്കാത്ത ബാക്കിവച്ച അടുത്ത കാലിൻ്റെ മുട്ട് കൂടി അടിച്ച് പൊളിച്ചു. അവൻ്റെ അലർച്ച അജ്ഞാത രൂപത്തിന് ഒരു പ്രശ്നമായിരുന്നില്ല. അയാൾ തൻ്റെ ബൂട്ടിട്ട കാലു കൊണ്ട് ബാരിയുടെ മർമ്മം നോക്കി ആഞ്ഞൊരു ചവിട്ട് കൊടുത്തു. കൂടെ കൂടെ അഞ്ചാറ് ചവിട്ട് കൂടി കൊടുത്തു. 

കാല് കൊണ്ട് ബാരിയെ അയാൾ തിരിച്ചിട്ടു. അവൻ്റെ ബോധം ഏകദേശം പോയിരുന്നു. ചുറ്റിക വച്ച് അവൻ്റെ ഇടത്തെ തോളേല്ലിൽ അയാൾ ആഞ്ഞടിച്ചു. അടികിട്ടി പിടഞ്ഞ ബാരിയുടെ പുറത്തയാൾ ഒരു ചവിട്ട് കൊടുത്തു എന്നിട്ട് കാല് കൊണ്ട് തന്നെ അവനെ മണ്ണിൽ ചവിട്ടി പിടിച്ചു. അടുത്ത അടി അവൻ്റെ വലത്തേ തോളെല്ലിലായിരുന്നു. ശുഭം…, അവൻ്റെ കാലും കൈയ്യും അനക്കാൻ പറ്റാത്ത സ്ഥിതിയായി. അടുത്ത അടി കിട്ടിയത് അവൻ്റെ നട്ടെല്ലിൻ്റെ നടുവിലായിട്ടാണ്. അത് കൂടി കിട്ടിയതോടെ ബാരിയുടെ ബോധം രണ്ടാമതും പോയി. 

അജ്ഞാതൻ അവനെ തന്നെ കാല് കൊണ്ട് തിരിച്ചിട്ടു. തൽക്കാലത്തേക്ക് മതിയെന്ന കണക്കെ അയാൾ തൻ്റെ കൈയ്യിലിരുന്ന ചുറ്റിക അവിടെ ചുവരിൽ ചാരി വെച്ചു. 

അവിടെ തെങ്ങിൻ ചോട്ടിൽ ബോധമില്ലാണ്ട് കിടക്കുന്നവനെ തോളിലിട്ട് റോഡ് സൈഡിൽ നിറുത്തിയ കാറിൽ കൊണ്ട് ചെന്ന് കിടത്തി. ഒരുത്തനെ നേരത്തെ അതിൽ പ്രതിഷ്ഠിച്ചിട്ടുണ്ടായിരുന്നത് അയാൾ ശ്രദ്ധിച്ചു. അതിന് മുകളിലേക്ക് തന്നെ ഈ ലോഡും ഇറക്കി. അടുത്തത് ബാരിയെ തുക്കി എടുത്ത് വണ്ടിയിൽ കൊണ്ടിട്ടു.

നേരെ കിണറ്റിൻ കരയിലേക്ക് നടന്നു. എന്നിട്ട് വെള്ളം കൊരാനുള്ള തൊട്ടി കിണറ്റിലേക്കിട്ടു. തോട്ടി കറക്ട്ട് ചെന്ന് വിണത് റിംഗിൽ അള്ളിപ്പിടിചിരുന്നവൻ്റെ തലയിലേക്കാണ്.