🔱കരിനാഗം 16🔱

Author : ചാണക്യൻ

[ Previous Part ]

(കഥ ഇതുവരെ)

ആ സമയം ഹാളിൽ നിന്നും എന്തോ വീഴുന്ന ശബ്ദം കേട്ട് ഗ്യാസ് കുറച്ചു വച്ചിട്ട് നേരെ ഹാളിലേക്ക് പോയി.

അവിടെ ആരും തന്നെയില്ലായിരുന്നു.

തോന്നിയതാകമെന്ന ചിന്തയിൽ താത്രി തിരികെ അടുക്കളയിലെത്തി.

അപ്പൊ കണ്ട കാഴ്ച.

അവിടെ ഒരു പെൺകുട്ടി നിൽപ്പുണ്ട്.

കറുത്ത ചുരിദാർ ടോപ്പും ലെഗ്ഗിൻസും ഒക്കെ അണിഞ്ഞു.

മുടി പിന്നിലേക്ക് വിടർത്തിയിട്ടിരിക്കുന്നു.

മുഖത്തു നല്ല ഐശ്വര്യം.

അടുക്കളയിൽ പതിയെ ചന്ദന ഗന്ധം അലയടിക്കാൻ തുടങ്ങി.

തന്റെ ആറാം ഇന്ദ്രിയത്തിലൂടെ ഒറ്റ നോട്ടത്തിൽ അത്‌ സർപ്പിനി ആണെന്ന് താത്രി തിരിച്ചറിഞ്ഞു.

താത്രി നാവ് നീട്ടിക്കൊണ്ട് ആ പെൺകുട്ടിക്ക് നേരെ ചീറി.

സ്……………. സ്…………….. സ്…………

താത്രിയുടെ ശീൽക്കാരം കേട്ടതും ആ പെൺകുട്ടി അടുക്കളയിലെ സ്‌ലാബിൽ ചാരി നിന്ന് കൈകൾ പിണച്ചു വച്ചു.

ശേഷം പയ്യെ പറഞ്ഞു.

നാം രുദ്രരൂപ…….. മഹാതലത്തിൽ നിന്നും ആഗതയായിരിക്കുന്നു.

രുദ്രരൂപയെന്ന വാക്ക് കേട്ടതും ഒറ്റ നിമിഷം കൊണ്ടു താത്രിയുടെ ധൈര്യം മുഴുവനും ചോർന്നു പോയി.

രുദ്രരൂപയുമായി ഇത്തരമൊരു മുഖാമുഖ ദർശനം അവൾ നിനച്ചതെയല്ല.

താത്രി നോക്കി.

അപ്പോഴും രുദ്രയുടെ നേർത്ത മിഴികൾ താത്രിയിൽ തന്നെയാണ്.

എന്തൊരു വിരോധാഭാസമാണിത്.

താത്രി മുഷ്ടി ചുരുട്ടി എന്തിനും പോന്ന വിധത്തിലായിരുന്നു.

(തുടരുന്നു)

നീ എന്തിനാ ഇവിടേക്ക് വന്നത്…… അതും ഒരു നാഗമായ എനിക്ക് സമം?

താത്രി ദൃഢ ശബ്ദത്തിൽ ചോദിച്ചു.