നിയോഗം 2 Dark World (മാലാഖയുടെ കാമുകൻ) 1521

N2 dark world

നിയോഗം ആദ്യ ഭാഗം വായിച്ചവർക്ക് അറിയാം ഇതൊരു ഫിക്ഷൻ ആണ്.. അതിൽ താല്പര്യം ഉള്ളവർ മാത്രം വായിക്കണം എന്ന് വിനീതമായി അഭ്യർത്ഥിക്കുന്നു. ഇതിലും എല്ലാം ഉണ്ടാകും… പുതിയ ആളുകൾ… പുതിയ സ്ഥലങ്ങൾ.. അങ്ങനെ പലതും..

ഭൂമിയിൽ മനുഷ്യർ മാത്രം അല്ല ഉള്ളത്.. നമുക്ക് മനസിലാകാത്ത പലതും ഉണ്ട്‌.. കുറച്ചു അനുഭവങ്ങളും ഉണ്ടെന്ന് കൂട്ടിക്കോ..
നമ്മുടെ ഇടയിൽ ഉണ്ട്‌ അതിൽ പലരും…. കോടി കണക്കിന് പ്ലാനറ്റുകളിൽ ഒരെണ്ണം മാത്രം ആണ് നമ്മുടെ ഭൂമി…

സ്നേഹത്തോടെ…

നിയോഗം 2 Dark World

എയർ പോർട്ടിലേക്ക് ഏട്ടത്തി മിനി കൂപ്പർ കത്തിച്ചു വിടുകയായിരുന്നു..
ഏട്ടത്തി കാർ ഓടിക്കാൻ അല്ലെങ്കിലും നല്ല കഴിവ് ഉള്ളയാൾ ആണ്.. എല്ലാം തികഞ്ഞ ഒരു പെണ്ണ്.. ഹോ അന്ന് കിട്ടിയ അടിയും.. നല്ല സുഖം ആയിരുന്നു…

“എന്താ ഒരു കള്ളച്ചിരി…? “

ഏട്ടത്തി ഗ്ലാസിൽ കൂടി എന്നെ നോക്കി..

“ഏയ് ഞാൻ ഏട്ടത്തിയെപ്പറ്റി തന്നെ ആലോചിച്ചതാ…”

ഞാൻ മറുപടി കൊടുത്തു.. അർച്ചന മീനുവിന് ഫോണിൽ എന്തോ കാണിച്ചു കൊടുക്കുകയാണ്.. മീനുവിന് വേണ്ടി വാങ്ങിയ പുതിയ ഫോൺ ആണ്.

“എന്നെപ്പറ്റി എന്താലോചിക്കാൻ?”

ഏട്ടത്തി ഒരു ചിരിയോടെ എന്നോട് ചോദിച്ചു.. ഒരു ലോറി ഹോൺ മുഴക്കി കടന്നു പോയി..

“ഡീ ശിൽപ്പെ.. നേരെ നോക്കി വണ്ടി ഓടിക്ക്…”

“ഡാ.. പേര് വിളിക്കുന്നോ? “

ഏട്ടത്തി കണ്ണുരുട്ടി.. എന്നിട്ട് ചിരിച്ചു..

“സത്യം പറഞ്ഞാൽ.. ഏട്ടൻ ചേച്ചിയെ ആണ് കൂടുതൽ ഇഷ്ടപെടുന്നത്‌ എന്ന് തോന്നുന്നു.. എന്നെക്കാളും അമ്മയെക്കാളും ഒക്കെ… അല്ലേ മീനു?”

അർച്ചന ഉടനെ പറഞ്ഞു..

“അതെ.. ഏട്ടത്തി എന്ന് പറഞ്ഞാൽ അവന് എല്ലാം ആണ്.. എനിക്കറിയാം.. “

മീനു ശരിവച്ചപ്പോൾ ഏട്ടത്തി എന്നെ ഗ്ലാസിൽ കൂടി നോക്കി.. അഭിമാനത്തിന്റെ പുഞ്ചിരി. നീളൻ തവിട്ട് കണ്ണുകളിൽ നേരിയ നനവ്.

“അതെ.. ഏട്ടത്തി എന്റെ കൂട്ടുകാരിയും, സഹോദരിയും, അനിയത്തിയും, അമ്മയും, കാമുകിയും ഒക്കെ ആയിരുന്നു… ആരും ആശ്രയം ഇല്ലാത്തവന്റെ ഏക ആശ്രയം…”

ഞാൻ മെല്ലെ പറഞ്ഞു.. എല്ലാവരും ഒരു നിമിഷം നിശബ്ദം ആയി… ഏടത്തിയുടെ കണ്ണ് നിറഞ്ഞു..

“എനിക്കും അതേടാ.. നിന്റെ ചേട്ടൻ പോലും നീ കാണിക്കുന്നതിന്റെ ഒരു ശതമാനം സ്നേഹം കാണിക്കില്ല… എപ്പോഴും ബിസിനസ്.. പണം… എന്റെ ഏക ആശ്രയം ഇവൻ തന്നെ ആയിരുന്നു…”

ഏടത്തിയും ഉടനെ പറഞ്ഞു.

“ഏട്ടത്തി ഇവനെ ആണ് കെട്ടിയിരുന്നെങ്കിൽ കഥ മാറിയേനെ അല്ലേ?”

മീനു കാര്യം ആയി തന്നെ ആണ് ചോദിച്ചത്.. ഞാനും ഏടത്തിയും ഒന്നും മിണ്ടിയില്ല. ചിരിച്ചു..

“എന്നാൽ കൊന്നേനെ ഇവളെ ഞാൻ…ചേച്ചി ആണെന്ന് നോക്കില്ലായിരുന്നു.”

അത് കേട്ടു ഞാൻ നോക്കി.. അർച്ചന ആണ്.. മീനുവും ഏടത്തിയും അവളെ തിരിഞ്ഞു നോക്കി..

“പിന്നെ…. ചേച്ചിയെ കാണാൻ അവര് വന്നപ്പോൾ നോട്ടം ഇട്ടതാ ഞാൻ.. “