നിയോഗം 2 Dark World (മാലാഖയുടെ കാമുകൻ) 1521

അർച്ചനയുടെ അസൂയ നിറഞ്ഞ ശബ്ദം കേട്ട് ഒരു നിമിഷം ഞങ്ങൾ കണ്ണിൽ കണ്ണിൽ നോക്കി..
അതിനു ശേഷം പൊട്ടിച്ചിരി ആയിരുന്നു.. എല്ലാവരും അലറി ചിരിച്ചു.. അതോടെ അർച്ചന തല പൂഴ്ത്തി ഇരുന്നു.. പിന്നെ അവളും ചിരിച്ചു തുടങ്ങി..

“ഡാ. നിങ്ങൾ രണ്ടും കൂടി ഇവളെ കൊണ്ടുപോയി സങ്കടപെടുത്തുമോ? എന്റെ മീനുസിനെ..?”

ഏട്ടത്തിയുടെ സംശയം ആണ്..

“എങ്ങനെ?”

“അല്ലാ.. ഏഹ്‌ ഒന്നും ഇല്ല…”

“എന്റെ ഏട്ടത്തി.. എനിക്ക് അർച്ചനയും മീനുവും ഒരുപോലെ ആണ്.. അവളെ ഞാൻ സങ്കടപെടുത്തുമോ?”

ഞാൻ പറഞ്ഞത് കേട്ടപ്പോൾ ഏടത്തി എന്നെ ഒന്ന് നോക്കി..

ശേഷം അർച്ചനയെ നോക്കി.. അവൾ ചിരിച്ചുകൊണ്ടിരിക്കുന്നതു കണ്ടപ്പോൾ ഏട്ടത്തി ഒന്ന് പുഞ്ചിരിച്ചു..

“എന്നാൽ പിന്നെ.. നീ അവളെയും കൂടി അങ്ങ് കെട്ടിക്കോ.. അർച്ചനയ്ക്ക് സമ്മതം ആണെങ്കിൽ…“

ഞാനും മീനുവും അത് കേട്ട് ഞെട്ടി.. കണ്ണ് മിഴിച്ചു..

“ആഹാ …സമ്മതം.. സമ്മതം.. എനിക്ക്‌ സമ്മതം… എന്നാൽ സൂപ്പർ ആകും.. എനിക്ക് വലിയ ഒരു സഹായവും ആകും…”

അർച്ചന മുൻപോട്ട് ഇരുന്നു ആവേശത്തോടെ പറഞ്ഞപ്പോൾ ഞാൻ വീണ്ടും ഞെട്ടി.. ഇവർക്കൊക്കെ പ്രാന്ത് ആണോ…?

“നിനക്ക് വട്ട്‌ ആണോടീ?”

ഞാൻ ചോദിക്കാൻ വന്ന കാര്യം മീനു ആണ് ചോദിച്ചത്..

“രാത്രി ആണോ മോളു സഹായം വേണം എന്നു പറഞ്ഞത്?”

ഏട്ടത്തി ഒരു കള്ളച്ചിരിയോടെ അർച്ചനയോടു ചോദിച്ചു.. അടി കിട്ടിയത് പോലെ അവൾ വലിഞ്ഞു..

എനിക്കും ആകെ നാണക്കേട് ആയി..ഞാൻ കുനിഞ്ഞു ഇരുന്നു..

മീനു ഏട്ടത്തിയെ നുള്ളി അമർത്തി ചിരിക്കുന്നത് കണ്ടു..

“സന്തോഷമായോ?”

ഞാൻ അർച്ചനയുടെ ചെവിയിൽ ചോദിച്ചു..

“ഉവ്വ്.. നല്ല സന്തോഷം തോന്നുന്നുണ്ട്…പണി ചോദിച്ചു വാങ്ങി.. വേണ്ടായിരുന്നു…”

അവൾ എന്റെ ചെവിയിൽ പറഞ്ഞു.. ഏട്ടത്തി നോക്കി ചിരിക്കുന്നുണ്ടായിരുന്നു..

“പോടി….”

കണ്ണാടിയിൽ കൂടി നോക്കി ചിരിച്ച ഏട്ടത്തിയെ ഞാൻ ശബ്ദം ഇല്ലാതെ വിളിച്ചു.. ഏട്ടത്തി “പോടാ.” എന്നു അതുപോലെ തന്നെ പറഞ്ഞു കണ്ണിറുക്കി കാണിച്ചു..

എയർപോർട്ട് എത്തുംവരെ ആരും വാ അടച്ചിട്ടില്ല.. ഏട്ടത്തിയെ യാത്ര ആക്കി വിട്ടു ഞങ്ങൾ നെടുമ്പാശ്ശേരി എയർപോർട്ടിൽ എത്തി. അകത്തേക്ക് കയറി.

“റോഷു.., ഈ വിമാനത്തിൽ നമ്മുക്ക് തിന്നാൻ ഒക്കെ കിട്ടില്ലേ? ബാത്‌റൂമിൽ ഒക്കെ പോന്നെങ്കിലോ? “

അർച്ചന ആരോടോ എന്തോ തിരക്കാൻ പോയപ്പോൾ മീനു എന്റെ ചെവിയിൽ ചോദിച്ചു.

“എല്ലാം ഉണ്ട്. പിന്നെ പൊന്നു മോളെ.. ഞാനും നിന്നെപ്പോലെ ആദ്യം ആയിട്ടാണ് വിമാനത്തിൽ കയറാൻ പോകുന്നത്.. എന്റെ ഭാര്യാ എന്ന് പറഞ്ഞ സാധനം കുറെ ലോകം കണ്ടവൾ ആണ്.. അവളോട് ചോദിച്ചോ…നമ്മൾ വെറും കൺട്രികൾ…വലിയ ബിസിനസ് ഒക്കെ നടത്താൻ എന്റെ അച്ഛനും ഏട്ടനും വിമാനത്തിൽ ഒക്കെ പോകും.. നമുക്ക് ആണേൽ ഈ ഫീൽഡ് വിട്ടതിൽ പിന്നെ ഒരു സൈക്കിൾ പോലും ഇല്ലായിരുന്നു… മൂഞ്ചിയ പണക്കാരൻ ആണ് മോളെ ഞാൻ….”