നിയോഗം 2 Dark World (മാലാഖയുടെ കാമുകൻ) 1522

“മൈ ടേൺ…”

ഞാൻ മെല്ലെ അത് പറഞ്ഞ ശേഷം മുഷ്ടി ചുരുട്ടി അവന്റെ വായും മൂക്കും ചേർത്ത് ഒരു പഞ്ച് ചെയ്തു..

അവൻ മറ്റേ കൈ വച്ചു ഇടി തടുക്കാൻ നോക്കി.. പക്ഷെ
അവന് ബ്ലോക്ക് ചെയ്യാൻ കഴിഞ്ഞില്ല.. ഇടിക്ക് സ്പീഡ് കൂടുതൽ ആയിരുന്നു.

തക്കാളി പൊട്ടും പോലെ ഒരു വൃത്തികെട്ട ശബ്ദത്തിന്റെ ഒപ്പം അവന്റെ മൂക്കും വായും ചിതറി കൈ കുറച്ചു അകത്തു കയറി.

ഇടിച്ചു കൈ വലിച്ചപ്പോൾ മുൻനിരയിലെ കുറച്ചു പല്ലുകൾ പൊട്ടി നിലത്തു വീണു..

അവൻ വാ പൊത്തുന്നതിനു മുൻപേ തന്നെ ഞാൻ തല വച്ചു അവന്റെ നെറ്റിക്ക് ഒരു കുത്തു കുത്തി… അതോടെ അവൻ പിന്നോട്ട് മലച്ചു വാഴ വീഴും പോലെ വീണു.

അർച്ചന വായും പൊളിച്ചു എന്നെ നോക്കി..

അവന്റെ കൂട്ടുകാരിൽ ഒരുത്തൻ ചാടി വന്നു എന്റെ നേരെ കൈവീശി.. ഞാൻ അവന്റെ കയ്യിൽ പിടിച്ചു തിരിച്ചു നെഞ്ചിൽ തന്നെ ഒരു ചവിട്ട് കൊടുത്തു.. അവൻ തെറിച്ചു വീണു നെഞ്ച് പൊത്തി കമിഴ്ന്നു..

ഞാൻ നിലത്തു വീണു ഞരങ്ങുന്ന തടിയന്റെ കഴുത്തിന് കുത്തി പിടിച്ചു..

മുഷ്ടി ചുരുട്ടി വീണ്ടും കൈ പൊക്കിയപ്പോൾ രണ്ടു പോലീസ് കാർ ചീറി പാഞ്ഞു വന്നു..

മൂന്ന് ആണ്‌ പോലീസുകാർ, രണ്ടു പെൺ പോലീസും.. ആദ്യം വന്നു എന്നെയാണ് അവർ പിടിച്ചത്..

ഉടനെ കണ്ടു നിന്നവരും കടയുടെ ഉടമ ആയ ചുവന്ന മുടിക്കാരി പെണ്ണും ഗ്രീസ് ഭാഷയിൽ അവരോടു കാര്യങ്ങൾ പറഞ്ഞു..

അതോടെ അവർ എന്നെ വിട്ടു.. അതിൽ ഒരു പൊലീസുകാരി വന്നു എന്നോട് സോറി പറഞ്ഞു അവന്മാരെ വലിച്ചു പൊക്കി വണ്ടിയിൽ ഇട്ടു.

“ഗ്രീസ് ഈസ് എ പീസ്ഫുൾ കൺട്രി.. സോറി ഫോർ ദിസ്… “

അവൾ എന്നോട് മെല്ലെ പറഞ്ഞു ചിരിച്ചു.. മീനുവിന്റെ അടുത്ത് ചെന്നു അവളെയും അർച്ചനയെയും സമാധാനിപ്പിച്ചു..

അതിൽ ഒരു പൊലീസുകാരി എന്റെ അടുത്ത് വന്നു.. നല്ല ഭംഗി ഉണ്ട്‌.. യവന സ്ത്രീകൾ പൊതുവെ അങ്ങനെ തന്നെ ആണ്..

“ഹൌ ഡിഡ് യു ബീറ്റ് ഹിം? ഹി ഈസ് ലാർജ്…”

അവൾ ചിരിച്ചു കൊണ്ടാണ് ചോദിച്ചത്..

“ഇറ്റ്സ്‌ ജസ്റ്റ്….”

അതെ ഞാൻ പറഞ്ഞുള്ളു.. അവൾ ഒരു കടലാസ്സ് കഷ്ണം എടുത്തു എന്റെ ഷർട്ടിന്റെ പോക്കറ്റിൽ തിരുകി…

“യു ക്യാൻ കാൾ മി… ലെറ്റസ്‌ മീറ്റ് ആൻഡ് ഹാവ് ഫൺ…”

അവൾ ചിരിച്ചു കൊണ്ട് അത് പറഞ്ഞപ്പോൾ അവളുടെ കവിളിൽ നുണക്കുഴി വിരിഞ്ഞു… “മെറിൻ തന്ന പോലെ പല ഗിഫ്റ്റും നിനക്ക് കിട്ടും…” ട്രിനിറ്റി പറഞ്ഞ വാക്കുകൾ എന്റെ മനസ്സിൽ വന്നു

ആ ഗാങിനെയും കൊണ്ട് അവർപോയി..തടിയന്റെ മുഖം പൊട്ടി വികൃതം ആയിരുന്നു.. സാധാരണ അകത്തു പോകേണ്ട കേസ് ആണ്. പിന്നെ എല്ലാവരും എന്റെ പക്ഷം പറഞ്ഞപ്പോൾ അവർ ആക്ഷൻ ഒന്നും എടുത്തില്ല..

പോയപ്പോൾ അവൾ തിരിഞ്ഞു നോക്കി പുഞ്ചിരിച്ചു.. ഞാനും ഒന്ന് ചിരിച്ചു.

ഞാൻ തിരിഞ്ഞപ്പോൾ മീനു ഇതൊക്കെ നോക്കി നിൽക്കുകയാണ്.. ദേഷ്യം ആണ്.. അർച്ചന എന്തോ ചുവന്ന മുടിക്കാരിയോട് പറയുന്നുണ്ട്..

“മീനൂസ്…”