നിയോഗം 2 Dark World (മാലാഖയുടെ കാമുകൻ) 1521

അവൾ പാർക്ക് ചെയ്തു ചുറ്റും നോക്കി മെല്ലെ ചെന്ന് ഒരു കറുത്ത ബെൻസിൽ ഫ്രണ്ട് ഡോർ തുറന്നു കയറുന്നു..

ഡോർ അടയും മുൻപേ ഡ്രൈവിംഗ് സീറ്റിൽ ഇരുന്നവൻ അവളെ വലിച്ചു അടുപ്പിച്ചു അവളുടെ ചുണ്ടിൽ ചുംബിക്കുന്നു.. അവൾ അതിന് സഹകരിക്കുന്നത് കാണാം..

അവൾ കൈ എത്തിച്ചു ഡോർ അടച്ചു..

കാറ് മുൻപോട്ട് നീങ്ങി.. വീഡിയോ തീർന്നു..

ജോൺ നിശ്ചലം ആയി ഇരുന്നു.. അവന്റെ കണ്ണിൽ നിന്നും കണ്ണുനീർ കുടുകുടെ ചാടി.. അവന് വിശ്വസിക്കാൻ ആയില്ല… ഈ നിമിഷം മരിച്ചു പോയിരുന്നെങ്കിൽ എന്ന് അവൻ ആഗ്രഹിച്ചു പോയി.

“ഇന്ന് കണ്ടതാണ്.. അവൾ കോട്ടയം പോയതാണ് എന്ന് പറഞ്ഞില്ലേ?
അപ്പോൾ അവളെ ഇവിടെ കണ്ടപ്പോൾ ഷൂട്ട് ചെയ്തതാണ്.. ആ ബെൻസ് ആരുടേത് ആണെന്ന് അറിയുമോ?”

ഡെന്നിസ് ജോണിനെ നോക്കി.. ജോൺ കരയുന്ന കണ്ണുകൾ ഉയർത്തി അവനെ നോക്കി..

“അർജുൻ…”

ഡെന്നിസ് മെല്ലെ പറഞ്ഞപ്പോൾ അവൻ ഞെട്ടി.. അതോടെ അവന്റെ തകർച്ച പൂർണം ആയി..

“വഞ്ചകി… നായിന്റെ മോളെ ഞാൻ കൊല്ലും…എന്നാലും.. അവൾ.. എന്നോട്…”

ജോൺ കരഞ്ഞു കൊണ്ട് പല്ലു ഞരിച്ചു.. കണ്ണിൽ നിന്നും ചൂട് നീർതുള്ളികൾ കുതിച്ചു ചാടി..

“അടുത്ത വീഡിയോ കാണു…”

ഡെന്നിസ് പറഞ്ഞു.. ജോൺ വിറയ്ക്കുന്ന കൈകൊണ്ടു അടുത്ത വീഡിയോ എടുത്തു.. കണ്ണ് തുടച്ചു..

കറുത്ത ബെൻസിന്റെ പുറകെ പോകുന്ന വീഡിയോ..

കുറച്ചു ദൂരം പോയ ശേഷം.. കറുത്ത ബെൻസ് കയറിയത് ഒരു ഒറ്റപ്പെട്ട വീട്ടിൽ ആണ്..

അതിൽ നിന്നും സഞ്ജനയും അർജുനും ഇറങ്ങി, അവർ കൈ കോർത്തു പിടിച്ചു അകത്തേക്ക് കയറുന്നു…

അവൾ ഡോർ അടക്കുമ്പോൾ അവൻ അവളെ ചുറ്റി പിടിക്കുന്നത് ഒരു സെക്കന്റ് കാണാം..

കുറെ നേരം കഴിഞ്ഞു ഡോർ തുറന്നു സഞ്ജന പുറത്തു വന്നു.
സാരി ശരിയാക്കി മുഖം തുടച്ചു പുറത്തേക്ക് വന്നു..

ഉടനെ വേറെ ഒരു സ്പോർട്സ് കാർ വന്നു അവിടെ നിൽക്കുകയും അവൾ അതിൽ കയറി പോകുകയും ചെയ്തു..

വീഡിയോ തീർന്നു. ഡെന്നിസ് അവന്റെ കാറിൽ നിന്നും ഷൂട്ട് ചെയ്ത വീഡിയോ ആണ്.

ഇത് കണ്ടു ജോൺ കന്നു കരയും പോലെ കരഞ്ഞു.. പൊട്ടിക്കരഞ്ഞു കൊണ്ട് അവൻ തല കുനിച്ചു..

“അവൾ.. അവൾ… ചതിച്ചു.. കണ്ടില്ലേ നീ? നശിച്ചു… “

ജോണിന് സങ്കടം അടക്കാൻ ആയില്ല… ആളുകൾ ശ്രദ്ധിക്കാൻ തുടങ്ങി..

“ഞാൻ ആ കാറിന്റെ പുറകെ പോയി.. നല്ല സ്പീഡ് ആയിരുന്നു.. കിട്ടിയില്ല..പിന്നെ..

നീ അവളോട് ഒന്നും ചോദിക്കണ്ട.. നാളെ ഡീൽ ചെയ്യാം.. ഓക്കേ? എനിക്ക്‌ അർജുനെ ഒന്ന് കാണണം.. ഈ വീഡിയോ ഞാൻ നിന്റെ ഫോണിൽ അയക്കാം.. അവളെ കാണിക്കരുത്….അവളെ ഒന്നും പറയുകയും ചെയ്യരുത്…കേട്ടല്ലോ?”

ജോൺ ഒന്നും പറയാതെ കണ്ണും തുടച്ചു എണീറ്റ് നടന്നു.. താഴെ വന്നു..ബൈക്ക് എടുത്തു യാന്ദ്രികം ആയി ഓടിച്ചു.. വീട്ടിൽ എത്തി..