നിയോഗം 2 Dark World (മാലാഖയുടെ കാമുകൻ) 1522

ഞാൻ അവളുടെ അടുത്ത് ചെന്നു വിളിച്ചു.. അവൾ കൈ ഇട്ടു എന്റെ പോക്കറ്റിൽ നിന്നും പൊലീസുകാരി തന്ന പേപ്പർ എടുത്തു ചുരുട്ടി എറിഞ്ഞു..

“അങ്ങനെ നീ ഇപ്പൊ ഉണ്ടാക്കേണ്ട…. കേട്ടോടാ പട്ടി.”

“അസൂയക്ക് മരുന്ന് ഇല്ലടീ….”

ഞാൻ ആ പേപ്പർ കഷ്ണം നോക്കി അല്പം നിരാശയോടെ പറഞ്ഞു… അവൾ എന്നെ ദേഷ്യത്തിൽ നോക്കി..

“ഡീ നിന്റെ കെട്ടിയവൻ പോലീസുകാരിയുടെ….”

ഞാൻ അവളുടെ വാ പൊത്തി.. നാക്കിനു എല്ലില്ലാത്ത സാധനം..

“എന്താ?”

അർച്ചന തിരിഞ്ഞു..

“ഒന്നും ഇല്ല.. പോകാം…”

ഞാൻ ബില് അടക്കാൻ ചെന്നു. കടക്കാരി അത് നിരസിച്ചു.. സോറി പറഞ്ഞു.. എന്നാലും അടച്ചു.. അവരുടെ ഒരു കസേര പൊട്ടിയിരുന്നു.

തിരിച്ചു നടന്നപ്പോൾ ആകെ മൂഡ് ഓഫ് ആയിരുന്നു..

“ഞാൻ വിചാരിച്ചു അയാൾ ഏട്ടനെ അടിക്കും എന്ന്.. എന്നാലും ഏട്ടാ… എന്തൊരു ഇടിയാണ്? അയാളുടെ പല്ലൊക്കെ പോയി…മീനു.. നീ എന്തിനാ അയാളെ ചവുട്ടിയത്? എനിക്ക്‌ പേടി ആയിട്ട് വിറച്ചു ഞാൻ… ഇപ്പോഴും വിറ മാറിയില്ല…”

അർച്ചന എന്റെ കയ്യിൽ ചുറ്റി പരാതി പറഞ്ഞപ്പോൾ മീനു ചിരിച്ചു..

“ഡീ നിന്റെ ഏട്ടന് അന്യഗ്രഹ ജീവി എന്തോ മരുന്ന് കൊടുത്തതാണ്…പിന്നെ എന്റെ സ്വഭാവം ഇതൊന്നും അല്ല… നിന്റെ കെട്ടിയവൻ ആണ് എന്നെ നന്നായി പെരുമാറാൻ പഠിപ്പിച്ചത്… “

അവൾ എന്നെ നോക്കി കണ്ണിറുക്കി.. അർച്ചനയ്ക്ക് ഇത്ര നാൾ നടന്നത് ഒന്നും അറിയില്ല.. പറയാൻ സാഹചര്യം വന്നിട്ടില്ല..

“അന്യഗ്രഹ ജീവിയോ? അത് അമേരിക്കയിൽ മാത്രം അല്ലേ വരൂ?”

അർച്ചന കളിയാക്കി.. എനിക്ക്‌ ചിരി വന്നു.. അവളോട് പറയണം എന്നെനിക്ക് തോന്നി.. എന്നാൽ എങ്ങനെ പറയും എന്ന കാര്യം സംശയം ആണ്..

പൂക്കൾ വിരിഞ്ഞു നിൽക്കുന്ന ടൈൽ ഇട്ട ഇടവഴികളിലൂടെ തെരുവ് വിളക്കുകളുടെ ശോഭയിൽ ഞങ്ങൾ കൈ കോർത്തു പിടിച്ചു നടന്നു.

***

“സാർ.. ഞങ്ങൾക്ക് പോലീസ് ഫോഴ്സിൽ ഉള്ള ഒരു എക്സ്പീരിയൻസ്ഡ് ആൻഡ് ബ്രേവ് ആയ ഒരാളെ വേണം…. അതാകുമ്പോൾ ഒരുമിച്ചു വർക്ക് ചെയ്യാമല്ലോ.ഈ കേസ് വളരെ കോംപ്ലിക്കേറ്റഡ് ആണ്…”

മൊണാലിസ റാണയോടു പറഞ്ഞു..

“അങ്ങനെ ഒരാൾ ഉണ്ട്‌.. പക്ഷെ ലീവിൽ ആണ്…. കുറഞ്ഞ ആൾ അല്ല…ഇനി വരുമോ എന്ന് പോലും അറിയില്ല.. അതിന് കാരണം ഞാൻ ഒക്കെ തന്നെ ആണ്…”

റാണ പറഞ്ഞു..

“ആരാണ് സാർ? “

“എസിപി മെറിൻ തോമസ്….”

മൊണാലിസ ലിനുവിനെ നോക്കി പുഞ്ചിരിച്ചു.

“പെർഫെക്റ്റ്.. ഞങ്ങൾ പറയാൻ വന്ന പേര് അത് തന്നെ ആണ് സർ… “

ലിനു സന്തോഷത്തോടെ പറഞ്ഞു..

“ഫൈൻ.. ഞാൻ അവളെ നേരിട്ട് വിളിക്കാം…”

റാണ അതിനൊരു തീരുമാനം പറഞ്ഞു..

*****

മൊണാലിസ സഞ്ജനയുടെ മുൻപിൽ ഇരിക്കുകയായിരുന്നു…